207/2024-2025
Dated Serchhip, the 16th April, 2024: Mizoram Lok Sabha Election, 2024 vote thlak hun atan April Ni 19, 2024 chu ruat a ni a. Serchhip District chhungah inthlan boruak muanawm leh thianghlim tak a awm theih nan, Section 126 (1) of The Representation of the People Act, 1951- in a tarlan angin Campaign Programme huaihawt leh punkhawm chungchangah hetiang hian Serchhip DC chuan thupek a tichhuak.
Pu David Lalthantluanga, IAS, District Magistrate, Serchhip District chuan CrPC 1973 Section 144, in thuneihna a pek hmangin Serchhip District chhungah dt.17.04.2024 tlai dar 5 atanga inthlan zawh hun thlengin mi Panga (5) aia tam punkhawm khap a ni tih a puang a. He thupek zawm lo te chu IPC section 188-na hmanga hrem theih an ni ang. He thupek hian chhiatni leh thatni bakah kohhran inkhawmte, vote thlak tura kalkhawmte a huam lovang.
