2474/2022-2023
Dated Serchhip, the 28th October, 2022: Vawiin khan P&E Veng YMA Hall, Serchhip ah Commerce & Industries Department, District Lead Bank leh DAY-NULM, Serchhip tangkawpte buatsaihin Pradhan Mantri Formalization of Micro Food Processing Enterprises Scheme(PMFME) zirho a ni.
He hun hi PMFME Scheme District Nodal Officer, Pu F. Lalsawmliana, District Commerce & Industry Officer(DCIO) Serchhip chuan kaihhruaiin, hun hmasaah Pi Lalrampansangi, Social Co-ordinator, Financial Literacy Campaign(FLM),DAY- NULM, UD&PA Serchhip hnen atangin "Chaw leh Chawhmeh bangnawi atanga Leitha siam dan (Home Composting)" chungchang zirtirna ngaihthlak ani.
Hun hnihnaah Pu HB Lalremmawia, PMFME Promotion Officer, Commerce & Industry Department chuan PMFME awmzia leh a tum te, he scheme hnuaia hamthatna tur leh hma an lak dan tur hrang hrang sawifiahin, Mizoram chhim lama he Scheme atana Campaign an lo neih tawh dan tlangpuite a report bawk.
Hun thumnaah hian District Resource Person for PMFME, Pu Henry Saingura hnen atangin awmze nei zawka ei tur siam kawnga kuthnathawktuten Bank kaltlanga hamthatna an hmuhtheihna tura Central Sorkarin Scheme a duan, Pradhan Mantri Formalization of Micro Food Processing Enterprises Scheme(PMFME)hnuaia hmalak dan tur zirtirin; kalkhawm te nen sawihona leh zawhna leh chhanna hun hlawk takin an hmang ho bawk a ni.
He hunah hian Serchhip khawpui chhung bakah a chhehvela he lama tui mi leh hmalakna kalpui mektute , Cooperative Society aiawh te leh DAY-NULM & MzSLRM hnuaia Self Help Group te an tel ani.
PMFME Scheme loan hi hre chiang duh tan Commerce & Industries Department-ah ngaihven theih reng niin, tih tak taka hmalatute dawm kang a, hlawhtlinna an neih ngei theih nana puih chu he Scheme-hian a tum ber chu a ni.
Pr No. 208/2022 (SCP) Dated Serchhip 28th October, 2022
Issued by District Information and Public Relations Officer; Serchhip District, Serchhip
Attachment
- Loading attachment...
