2207/2023-2024

Dated Serchhip, the 7th October, 2023: Vawiin khan Serchhip Additional DC Pu James Lalnithanga hovin Serchhip DC Conference Hall-ah meeting pawimawh tak neih a ni a. Mizoram Legislative Assembly Inthlanpui 2023 lo awm turah Serchhip District chhunga Assembly Constituency 3-a candidate-te campaign senso chhutna atana hman tur thil man an bituk a ni.

Election Commission of India chuan Mizoram Legislative Assembly Inthlanpuiah hian Candidate tin ten inthlan sensoah cheng nuai 28 aia tam an hmang tur a ni lo, tiin a bituk. Inthlan puan a nih atangin party tin te campaign senso chhut tan a ni tawh dawn a.  Senso awm thei tur ni awm anga lang chi hrang hrang – aurinna, pandal siam, flag, poster, banner leh hoarding, lirthei hawh man, ei tur leh riah man, hall leh thuthleng hawh man leh a dangte bakah electronic, print leh social media a fakna chhuah man te chu ngun taka ngaihtuah a ni a. Rate hman lai mek te sawiho niin lungrual takin an bithliah a ni.

He hunah hian Election Officer, DIPRO leh official dangte bakah Political party hrang hrang aiawh te an tel a ni.