324/2024-2025 

Dated Serchhip, the 20th April, 2024: Serchhip District Election Officer Pu David Lalthantluanga hovin Serchhip DC Office ah post poll scrutiny tluang taka neih zawh a ni.

Serchhip District ah harsatna awm loin tluang takin inthlanna neih zawh a ni ta a. Polling Party ten an duty na hmun atangin Receiving Counter thleng kim vekin, a thleng hnuhnung ber Tlungvel Polling Party te chuan nizan 11:30 khan receiving counter an thleng fel a ni.

Vawiin chhun khan ECI duhdan ang leh inkaihhruaina a siam angin scrutiny neih a ni a. Khawl thil chhia leh khaihlak lian tham awm lovin tluang taka inthlan zawh fel a nih chungchangah Pu David Lalthantluanga chuan mawhphurhtu te zawng zawng chungah lawmthu a sawi a ni. Scrutiny neihnaah hian Polling Station te hi random a thlanchhuah a ni a. 26-Serchhip Assembly segment atangin New Serchhip III, Tuikum Assembly Segment atangin Rullam leh Hrangturzo Assembly Segment atangin Mualcheng I te thlanchhuah niin, form 17A theuh leh Presiding Officer diary enfel a ni a, diklo leh felfai lo hmuh tur engmah a awmloh thu DC chuan sawi a. Endik a nih hnuah uluk taka char that leh niin Strong Room-ah dah luh leh an ni a, security tha tawk tak venhimna hnuaiah dah niin Vote chhiar hun June ni 4, 2024 ah lak chhuah leh an ni ang.

Vawiin scrutiny neihnaah hian Election Officer Pu Gaston Vanlalhriatpuia leh SDO (Sadar) Pi Rebecca Laldinmawii Hrahsel bakah, Sr. Micro Observer Pu Robert Zosangliana te, political party aiawhte an tel a ni.