No.7762/2020-2021

Dated Serchhip, the 11th March, 2021: Vawiin chhun dar 11:00 khan District Industries Centre Serchhipah Article 275(1) of the Constitution of India hnuaia thla 3 chhung awh tur Puanban leh Puantah zirna chu Pu Lalmuansanga Ralte, Addl. DC Serchhip chuan a hawng.

Pu Lalmuansanga Ralte chuan hawnna thu sawiin khawvel ram dang mite hmuha Mizo hnamzia phochhuahna fawng vawntu pawimawh tak pakhat chu Puantah(Handloom) anih thu a sawi a. Article 275(1) of the Constitution of India hnuaia Puanban leh Puantah zir tura thlan te chu an vanneih thu sawiin, eizawnna atan Kut themthiamna neih a pawimawh tak zet a ni, a ti a. Zirlaite chuan an thil zir puitu atana tunlai thiamna technology hmang tangkai thiam tur te, tumruhna leh taihmakna leh tihtakzetna nen eizawnna tlak thiamna tak tak neia hlawhtling taka inzirchhuak vek tura fuihin duhsakna a hlan a ni.

Thla 3 chhung awh tur Puanban leh Puantah zirna ah hian Serchhip khawpui veng hrang hrang atanga thlanchhuah mi 23 te chuan a thawhkhat nan Pi S. Engzikpuii, Master Trainer hovin Puanbanna Khawl leh Puantahna khawl 5 hmangin Training bul an tan nghal a ni.

Training hawnna hun hi Pi Elizabeth Lalremthangi Hmar, Functional Manager, DIC Serchhip in kaihhruaiin, District Industries Centre hmalakna leh hmachhawp tlangpuite a sawi a. Pu C. Lalthakima, Training Supervisor in report tawi pe in, Pu Laltanpuia, DIC Serchhip chuan lawmthu a sawi a ni.