2478/2025-2026

Dated Serchhip, the 17^th September, 2025: Vawiin khan Serchhip DC Pisa-ah Rogi Kalyan Samittee (RKS) Governing Body, Serchhip District Hospital chu an Chairman Pu Paul L Khuma hovin an thukhawm.

Serchhip District Hospital-ah hian damlo thisen test-na chi hrang hrang neih niin District dangte nena khaikhinin an rate te hi a hniam hle a. Executive Meeting-ah hian heng rate hman mek te hi chhawpchhuah niin uluk taka sawiho a nih hnuah Complete Blood Count (CBC) endikna rate chauh thlak danglam a ni a; Rs.100 atangin Rs.150 ah san an remti a. Rate dang erawh a ngaia hman chhunzawm tur a ni.

Comprehensive maintenence contract for laboratory services chungchang sawiho niin hemi atana sum mamawh zat an thlen chu committee hian a pawm a. Serchhip District Hospital rawng hnawih that chungchang rawtna chu pawm a ni bawk.

Vawiin thutkhawmah hian Serchhip District Medical Superintendent Dr ZD Lalmuanawma chuan Serchhip Hospital dinhmun tlangpui sawiin building sak meka an thlen chin te, tuna an luah mek hospital building dinhmun tlangpui te leh Rogi Kalyan Samittee report tawi a sawi a. Chairman Pu Paul L.Khuma chuan member kalkhawmte lawmna thu a sawi bawk.