4655/2024-2025

Dated Serchhip, the 15th March, 2025: Vawiin khan Serchhip DC Pisa Pui Hall-ah World Consumer Rights Day hman a ni a, Additional DC Pu Lalrinzuala chuan khuallian niin a hmanpui.

Khuallian chuan thusawiin venhim ngaite tan dan hi siam a ni, a ti a. Cosumer-te venhimna tur dan tha tak Consumer Protection Act a awm a ni tih kan hriat thar a tul thu a sawi. Chutih rual chuan awlsamna kan zawn luatah dan kan palzam fo thin nia lang erawh kan insiam that tlan a tul thu a sawi bawk. Consumerte laka diklo taka chet tum thinte laka kan him tlan nan kan aw-ka kan chhuah a tul a, kan dikna chanvote ngawihbo pui mai lovin, thil chhinchhiah leh vawn that kawngah taimak chhuah nachang kan hriat a tul a ni a ti. Kan chanvote inhrilhhriat kawngah kan hruaituten theihtawp an chhuah lai hian a hretu turte hian hriat chakna kan neilo thin hi a pawi em em a, a hrelo te hrilh hriat kawngah tan la ila, keimahni tan chauh nilo, keimahni ang bawka a tuartu ni theite an him theih nan theihtawp kan chhuah hi kan tih makmawh a ni, a ti bawk.
Resourse Person Dr. Laldinpuia, Serchhip District Counsumer Association Secretary chuan kumina World Consumer Rights Day thupui A just Transition to Sustainable Lifestyles tih thupui a sawi a ni.
He hun hi Pu K. Lalrinchhana, Serchhip District Counsumer Association Joint Secretary chuan a kaihruai a. District Consumer Association hruaitute, Govt Serchhip College-a Comsumer Club te, Serchhipa Retailer te leh tlawmgngai pawl aiawhte an tel a. Serchhip District DCSO Pu R. Lalzirliana’n lawmthu sawiin hun a khar a ni.

Attachment

  • Loading attachment...