778/2026-2027

Dated Aizawl 1st June, 2026: Tukin dar 7:00 khan Sericulture Minister Pu Lalthansanga’n muga pangang khawina tur atana Central Silk Board, Boko, Guwahati nursery atanga lak chhuah Bul tiak 20000 (singhnih) chu Mualpheng leh Keifanga Progress Partners mi 41 te phun turin Directorate of Sericulture, Chaltlang atangin a vai liam.

Heng bul tiak te hi acre (tin) 61 hmun vel a zauva phun tur a ni a, Hand Holding scheme hnuaiah Sericulture Department leh Mizoram Khadi and Village Industries Board tang kawp (joint venture) project hi Saitual District khua Mualpheng leh Keifangah te kalpui mek a ni.

Minister chuan Mizoram chu Muga pangang khawi lamah hmun tha a ni tih a sawi a, Progress partner ten tha taka Bul kungte chu enkawl puitling turin duhsakna a hlan bawk. Bialtu MLA Prof Lalnilawma'n a enkawl puitlin kawnga an mamawh em em Community water tank a dah sak dawn avang pawhin lawmthu a sawi a. May ni 3, 2026 a Mizoram rawn tlawhtu, Pu Giriraj Singh, Union Textile Minister pawhin district 4 (Lunglei, Champhai, Saitual leh Siaha) ah te nasa leh zuala Muga silk pangang khawi nan fund Mizoram tan a pek a tiam tawh tih a sawi bawk a ni.

He hunah hian Sericulture Secretary Pi Florence Zotluangpuii pawhin thu sawiin, Ministry of Textiles, Government Of India pawhin Sericulture Deptartment a rawn ngaih pawimawhzia leh thawktute pawh ṭhahnemngai taka mahni hna ngai pawimawh lehzual turin a fuih a ni.