895/2022-2023
Aizawl, 14th June, 2022 : Sericulture Department buatsaih Eri Silk Development Project leh State Level Silk Samagra-2 Workshop chu vawiin khan Sericulture Minister Dr. K. Beichhua chuan Bawngkawn South YMA Hall ah a hawng.

He Workshop hawnna inkhawmah hian Sericulture Department in an buatsaih, Sericulture Farmers te pangang vulh lama puitu lehkhabu Mizo tawng a ziah chu Sericulture Farmers ten tangkai taka an hman turin Minister hian a tlangzarh nghal bawk a ni.

He Workshop ah hian, Sericulture Department hnuaia Project thar, Eri Silk Development Project, Silk Samagra-2 hnuaia Rs. 1718.17 lakhs hmanga kalpui tur chu Pu Rajit Ranjan Okhandiar, IFS, Member Secretary, Central Silk Board in a hawng nghal bawk a, he project hi District panga (5) Aizawl, Serchhip, Kolasib, Hnahthial leh Lunglei District ah te kalpui tum a ni a, a vaiin beneficiaries 500 cover tum a ni.

Sericulture Minister Dr. K. Beichhua chuan Central Silk Board leh Ministry of Textile in Mizoram Sericulture Farmer te chawikan nan a Project a hawng ta chu lawmawm a tih thu leh Sericulture hnuaia eizawng te pawhin he Project hi tangkai taka hmang tur leh hlawhtlin pui ngei turin Farmers kalkhawm te a chah nghal bawk a ni.