3492/2024-2025

Dated Aizawl: the 12 December 2024 : Vawiin chawhma khan Mizoram Sericulture Service Association (MSSA) chuan Khawmpui vawi 41-na chu Directorate Conference Hall, Chaltlang ah an hmang a. He hun hi Sericulture Department Minister Pu Lalthansanga chuan khuallian niin a hmanpui.

Kalkhawmte hmaah hian khuallian Sericulture Minister chuan thu sawiin, khawvel in “Silk” a ngaihhlutzia te, India Hmar chak bikah chuan Mizoram chu Silk pangang eng chi pawh hlawhtlinpui tham thar theihna hmun a nih thute a sawi a. Parmanent Farming hlawhtlin theih nan Sericulture chu Mizoram tan a lungphun pawimawh tak anih thu leh chumi hlawhtlin theihna tur chuan Department chhunga thawktute chuan mawhphurhna sang tak an neih thute a tarlang a. Theihtawp chhuah a Mizoram tana an thiamna leh ngaihtuahnate hmang zual zel Turin a fuih nghal bawk a ni.

Vawiina hun hman hi MSSA Vice President, Pu R. Lalbiakthanga chuan a kairuai a. Pu J Lalmalsawma, General Secretary, MSSA Hqrs. Aizawl chuan pawl hmalakna hrang hrang leh hmachhawpte report kimchang tak a pe a. Hemi hnu hian Pu B. Lalchhuana, Ex-Committee Member MSSA chuan lawmthu sawiin hun hman hi a khar a ni.

MSSA hian Chawhnu lamah hruaitu thar thlanna an nei nghal a ni.