Mizoram Youth Commission Chairman, Pu Hmingdailova Khiangte MLA chuan vawiin khan BNRGSK building sak thar Serkhan leh Hortoki ah a hawng.

Serkhan leh Hortoki khua-a BNRGSK building thar MGNREGS hnuaia sakte hawnga thu sawiin Mizoram Youth Commission Chairman, Pu Hmingdailova Khiangte chuan heng building tehi ram leh mipui tana rot ling khawtlang tana tangkai tak tur a ni, a ti . Pu Hmingdailova chuan, Kolasib District-a NLUP kalpuitu Officer ten Sawrkar beisei anga hna thawk lo, NLUP dawngtu te chu fuihin an zilhhau thin a; chumi hnu pawha la titha lo fo te chu eizawnna siam sak theih loh ah an ngai a ni a ti a.. Hemi a nih avang hian a thawh hnihna atana NLUP hmanga chhawmdawlna kal mek ah pawh a ruahmantu sawrkar aiin a thawktu te tihtakzetna a pawimawh zawk a ti a, eizawnna ngelnghet an neih theih nana sawrkarin tha a thawh mek naah a taka tihlawhtling theitu an nih miau avangin theihtawpa tan la thar turin mipui te chu a chah a ni.

Thalaite hamthatna leh hmasawnna tur sawrkar chuan a ngaihtuah a; mahse chhawmdawl tlak khawpa mahni lam lo inzir leh inthunun hi Mizo thalai ten kan neih a hun tawh a ni, Pu Hmingdailova Khiangte chuan a ti bawk a ni.

Serkhan khua-a BNRGSK Building thar hi Rs 8,73,000/- senga sak a ni a. Hortoki khua ami hi Rs 9,66,000/- senga sak a ni.

Vawiina building thar hawnna ah hian BDO Thingdawl leh SDO, PWD Kawnpui bakah Education lama hotuten an tawiawm a ni.