Food, Civil Supplies & Consumer Affairs Minister Pu H. Rohluna chuan vawiin khan ama office chamber ah IOC Ltd. Sr. Area Manager Pu L.K. Doley chu kovin Mizorama Gas harsatna sutkian dan tur leh mumal zawka supply pek dan turte a sawipui a, hun hmasa lama Gas hmuh phak lohna (backlog) avanga harsatna te phuhruk dan turte sawiin a rang thei ang bera hma la turin a hrilh. RGGLV Gas Agency thingtlang lama hawn loh la awmte chu a rang thei ang bera tihhlawhtlin a nih theih nan chak taka lo bawhzuiturina hriattir bawk. Mualkhang Gas Bottling Plant ah a tam thei ang ber a bura thun tur rawn supply tur leh chumi atana tan laturina hrilh bawk a ni.
Tunlai hian Mizorama Gas rawn thleng pawh a ziaawm sawt hle a, Pu L.K.Doley chuan ram puma Gas harsatna tawh mek chuan ziaawm lam panin Mizoram tana hnianghnar taka supply tura theihtawpa tan an lak mek thu a sawifiah bawk.
Thla li kalta chhunga Mizoram tana Gas pek dan chu hetiang hi a ni :-
Domestic Commercial Total
April, 2012 - 86338 789 87127
May, 2012 - 72535 789 73324
June, 2012 - 100232 1910 102142
July, 2012 - 123735 1943 125678
Minister hi Food, Civil Supplies & Consumer Affairs Secretary Pi M. Zohmingthangi’n a tawiawm a ni.
