4830/2024-2025

Aizawl, 26th March, 2025: Mizoram State Legal Services Authority leh Women & Child Development tangkawp chuan Sexual Harassment of Women at workplace chungchangah PoSH Act, 2023 (Prevention, Prohibition and Redressal) dan leh a kaihhnawih hrang hrang inzirtirna (Training of Trainers) vawiin khan Dawrpui Multipurpose Centre ah sorkar department hrang hrang aiawh leh private business te tan a buatsaih. Aizawl District chhunga Nodal Officer, ICC & LCC Member-te an tel a ni.

Justice Nelson Sailo, Gauhati High Court Judge & Chairman, High Court Legal Services Committee, GHC (Aizawl Bench) chu he hunah hian khuallian a ni a. He Act hi hmeichhiate dikna leh zahawmna humhim nan tangkai taka hman a lo ni tawh dan hmun hrang hrang hmuh thuur a awm thu a sawi a. He Dan hriat loh avanga a mamawh tak takte ngawi renga tuartu an nih mai loh nan training hlawkthlak tak an hman a, kalkhawmte chu an hnathawhna hmun theuh ah midang hrilhhretu an nih ngei a duhsak thu a sawi.

Hnathawhna hmunah mipat hmeichhiatna rawngkai a hmeichhiate zahawmna ti bawrhbang thei zawnga thusawi emaw kutthlak a awm loh a, ngaihngam taka hna an thawh theih nan sorkar leh private office ah te, thawktu 10 aia tam awm naah chuan Internal Complaint Committee/ Local Complaint Committee hi din theuh tura tih a ni a. Complaint lut a awm chuan an chungthu uluk taka lo ngaihven in, hma lo lak chu an hna a ni.

Vawiin training hawnna inkhawm hi Women & Child Development Director Pi Zoramthangi Chhangte chuan kaihruaiin, Pu Vincent Lalrokima, Member Secretary, SLSA chuan thu tawp a sawi bawk a. WCad Jt. Director Pi Zonunpari chuan lawmthu sawiin hun hmasa a khar a ni. Zirtirna hi Advocate Pi Lalfamkimi leh Pu T Lalnunsiama te leh Pi Flora Laltanpuii te an ni.