Nimin ni 24th January 2014 khan DC Conference Hall, Mamit-ah Ministry of Agriculture, Government of India hnuaia National Bank for for Agriculture and Rural Development (NABARD) buatsaihin Scheme for Development/Strengthening of Agricultural Marketing, infrastructure, Grading nad Standardisation tih thupui hmangin workshop buatsaih a ni a.
He Workshop hi Pu V. Lalremthanga IAS, District Bawrhsap Mamit in a hawng, thusawiin District Bawrhsap chuan a nawlpuia kan eizawnna innghahna chu Leilung behchhan a la nih avangin chumi chu hlawk zawka kan thawh theih nan chuan kan theihna ringawt a tawk lova, tanpuina engemaw tak kan mamawh thin a, chumi atan chuan NABARD kaltlang hian kawng tam takin a tanpui thei a ni tiin tuna Workshop NABARD in a rawn buatsaih hi Mamit District tan chuan a hlu-in a pawimawh hle a ni a ti. Bawrhsap chuan hetiang Workshop pawimawh hrang hrang hotute tel ngei tura hriattir an nihna chhan sawiin hmasawnna hna thawhna kawngah kawng kawh hmuh theitu tur an nih a vang a ni tiin training leh Workshop reng reng ngai pawimawha training atanga hlawkna engengemaw tak zir chhuak ngei turin Workshop a tel Department hotute a ngen bawk.
He Workshop-ah hian Rabishankar likmabam, Assistant Project Manager, NABARD Kolasib in Power Point Presentation hmangin NABARD kaltlanga kut hnathawktute tanpui theih dan leh a kalphungte chipchiar takin zirtirna a pe a, sawihona hun pawimawh tak nei nghal a ni bawk.
He Workshop-ah hian Agriculture, Fisheries, Horticulture, Ah&Vety, Industry, Sericulture, DRDA tangin District Officers te bakah an hnuaia Officers te an tel a ni.
