NCC ‘C’ Certificate nei tan Indian Army-a Short Service Commission (SSC) Officer 54 a ruak a; 50 chu mipa pual a ni a, chumi zinga 5 chu Wards of Battle Casualties tan ruat a ni. Indonaa thi fate tan hian NCC Certificate neih a ngai lo. Hmeichhia (nula) tan 4 dah a ni bawk.
NCC ‘C’ Certificate-ah hian ‘B’ Grade tlin a ngai thung a ni. Diltu chu kum 19 -25 inkar, July 2, 1988 –July 1, 1994 inkara piangte tan dil theih a ni. Thiamna lamah diltu chu Degree of recognized University a ni tur a ni a, Degree zirlai kum 3-na exam turte, kum hmasa lama marks 50% hmu chin tan pawh dil theih a ni.
Diltu chu Mipa- centimeter 157 leh Hmeichhia (nula)- centimeter 152 chin tan dil theih a ni. Mahni sanzawng nena inmilin an rit tawk tur a ni. Diltu chu interview-a koh a nih chuan India ram chhungah Railways AC-III Tiers leh Bus chuan man tumsak an ni ang.
Dil duh chuan, Dilna form siamsa hmangin plain paper-a kutziak tha tak emaw, computer-a felfai taka chhut hmangin NCC Unit hnai ber-a OC hnenah 28 February 2013 thleng dil theih a ni a, Rtg Dte General NCC-1-ah April 1, 2013-a thawn thlen hman tur a ni.
Interview-a tlingte chu:- Lt-ah lutin, kum 2 hnuah Major, kum 13-ah Lt.Col. an kai thei ang. A chunglama kaisanna chu Selection basis-a kai tur a ni.
Hlawh: Lieutenant- 15600-39100+ GP 5400+MSP 6000,
Captain-PB-3, Grade Pay 6100,
Major chu GP 6600 a ni a,
LtCol.- Major-General te hi PB-4:37400- 67000-a dah an ni
Army Officer-a lut tharin Rs 63725 aia tlem lo an hlawh nghal a ni.
Mizo nula leh tlangval NCC ‘C’ Certificate, B Grade chin kan awm chuan dil ngei chi a ni. Hre chiang duh tan Employment News 2-8 February 2013 phek 20-21-na en theih a ni a, DIPR-ah pawh kan lo tanpui thei ang che u.
