353/2022-2023
Mamit 29th April, 2022 : Vawiin khan Shri Bhagwanth Khuba, Hon'ble Union Minister of State, Chemicals & Fertilizers and New & Renewable Energy chuan Mamit tlawhin DC Conference Hall-ah Sorkar Officials, Khawtlang hruaitute leh Tlawmngaipawl aiawhte nen inkawmhona an nei.

Meeting-ah hian Mamit District chhunga hmasawnna Schemes hrang hrang kalpui mekte thlirletna neih niin Sorkar hnathawkte chu hmasawnna atana hnathawk tur kan nih angin Schemes hrang hrangte a nihna ang taka kalpui anih theih nana theihtawpchhuah tur leh zirchiang thin turin Union Minister hian a chah a ni.

Vawiin Meeting-ah hian Er. H. Lalzirliana, Mamit bialtu MLA pawhin Mamit District hmasawn zelna tur thil pawimawh tak tak a sawi bawk.

Union Minister hian Aspirational District Programme hnuaia hmalakna hrang hrang Govt. Mamit Model MS- I, Mamit, Mamit Anganwadi Centre - II leh LaQshya Certified Labour Room, District Hospital, Mamit te a tlawh bawk.

Vawiin vek hian Union Minister hian Bawngva khua tlawh nghalin Anganwadi Centre - II leh Govt. Bawngva UPS a Teacher Hostel cum Quarter te a tlawh nghal bawk.

Union Minister hi Er. H. Lalzirliana, 3-Mamit AC (ST), DC, SP bakah Sorkar Officials te leh khawtlang hruaitute'n lo dawngsawngin an tawiawm a. Aizawl atangin State Protocol Officer leh Officials dangte'n an rawn tawiawm bawk a ni.