Thian duh takte u,

Vawiin India Independence Day cham pha vawi 75-na (Platinum Jubilee) a lo then hian a lawmna hun hmang tura lo kal zawng zawng leh Siaha District mipuite Chibai ka buk a che u. India ramin zalenna kan neih theihna tura beitu zawng zawngte zahna Chibai i hlan thar leh theuh ang u.

Covid-19 avangin khawvelah harsatna namen lo a thleng mek a, Mizoram pawhin kan tuar nasa hle a ni. He hripui laka kan him theihna tura thawktu- front line workers, VLTF/LLTF, Police Duty leh volunteers zawng zawngte zahna chibai ka buk a. Hripui do nana tha leh zung, sum leh pai thawh a, luangchhuak zawng zawngte hnenah lawmthu ka sawi bawk. Kan himna atana sawrkar ruahmanna siam- inkharkhip leh khuahkhirhna hrang hrangte chhel taka tuartu mipuite chungah thinlung takin lawmthu ka sawi bawk a ni.

Zalenna kan hmuh champha lawmnaah hian ramin hma a sawnna kawng hrang hrangte tarlan thin a ni a. Pu Zoramthanga kaihhruai sawrkar kum 2 leh thla 8 a upa hian hripuiin nasa taka min nuai lai pawhin theih ang angin hmasawnna hna a thawk a, tarlan vek sen ni lo mahse a pawimawh zual chauh tal han tarlang ila:-

1. A hmasa berah chuan Covid-19 hripui laka Zoram mipui kan him theihna tur leh hri kaite enkawlna kawngah hian sawrkarin thapui a chhuah tak meuh meuh a ni. Central atanga sum kan hmuh turte te nasa taka tihhniam a ni chunga Finance Department in Health Department in Covid do nana hmalakna tura bithliah awm lova kan Chief Minister zahawm tak ruahmanna hi a ropui hle. Health department a thawktuten theihtawp chhuah a hripui dona leh a hri veite enkawlna kawnga an beih dan hi kan hria a, fak an phu takzet. Covid-19 dona atana thawhlawm thawhtu sawrkar hnathawk, NGO’s, Kohhran leh mimal te hnenah lawmthu ka sawi a, an inpekna hi a ropui ka ti hle. Kan tanrualna avangin dinhmun chhe zawka ding mai thei kan nihna lak ata chhanchhuahin kan awm niin ka hria. Hetiang dinhmun a kan din tak avang hian sawrkar chuan Health Care a ngai pawimawh a, “Mizoram Health System Stregthening Project” US Dollar maktaduai 40 hu zet senna tur chu June 17, 2021 khan World Bank nena thawk duh turin thuthlung an ziak a ni.
2. Ram venhimna kawngah sawrkar chuan chak leh awmze nei takin hma a la a. Assam nena kan ramri buai chung changah muanawm taka chinfel duh mahse ila tha rum hmanga min nawr fo avangin inbiakna hmanga chinfel mai theih a ni ta lo. Thil thlen dan chu kan hria, kan mipuite huan ram leh Police duty Post hial min rawn hnehchhuh tak avang leh silai hmet puak hmasaah an tan tak avangin inkahna a thelng ta a, Assam police 6 laiin nunna an chan ta hi a pawi hle a ni. Hei hian a tha zawngin nghawng a nei turah ngai ila, sawrkar chuan a tul ang zelin hma a la dawn a ni tih hi i ring ngam ang u.

Kan tangrual a, Opposition Party te pawhin sawrkar hmalakna an support tlat thu an sawilang te kha a ropui hle a ni. Mipuite pawhin ram leh hnam issue avanga tuar kan inhuam zia te a takin a lang a, kan inpumkhatna avang leh Pathian ringtu kan nihna avangin kan ramri buai pawh hi tha taka chinfel a nih ngei ka beisei tlat a ni.

3. Ramri buai kan neih avanga kan kawngpui chak lakna ber Assam in min dan chah sak thin avangin ei leh barah intodelh kan ngaih zia a lo langchhuak a. Agriculture Department in chutianga kan intodelh theih nan chuan hma a lo lak mekna bakah leilet buh chin theihnana siamna turin NABARD kal tlangin nuai 727 senna tur ruahmanna a siam a. Agriculture lamah thiamna kan neih tam theih nan tiin Hnahthial a ICT chu School of Agricultural Science ah siam a ni a, zirna kalpui mai theih a ni tawh. PM-KISAN Programme atangin chhungkaw 149243 hnenah tanpuina 6000 theuh pek an ni bawk.

4. Horticulture lamah pawh thlai leh thei lam tam zawk thar chhuah a nih theih nan ruahmanna hrang hrang siam a ni a, siam belh mek zel a ni bawk. Covid avanga inkhuahkhirhmna nasa taka kalpui a nih vangin “Vegetable Supply Chain” siam a ni a, heta tang hian kut hnathawktu ten July, 2021 thla thleng khan nuai 88.90 man an hralh thei a ni.

5. Higher & Technical Education leh School Education department te chuan hripui vanga zirna pangngai chhunzawm a theih loh lai pawhin Online hmanga zirna kalpui a nih theih nan hma an la a ni. India ram State tam zawk leh ICSE/CBSE ten Borad Exam an tih theih loh laiin keini chuan tha takin Borad Exam kan nei thei a, result pawh kan nei tha zawk hial hi a lawmawm hle a ni. College zirlai online exam ten tha taka exam an neih theih nana Internet signal thatna hmun a examna tur hmun ram hnuaiah khawtlangin an siamsak te kha khawvel hmun dangah hian tawng ve tak ang maw!

6. Ei leh bar kan tlakchham loh nan Food, Civil Supply & Consumer Affairs Department in theih tawpin hma an la a, Assam in kawngpui an dan lai pawh a State dang atanga mamawh an chaw lut thei te hi an fakawm tak zet in ka hria, KMMT kawngpui siam mek zawh fel a nih hunah chuan Mizoram chhim lam hi kan kawtchhuah pawimawh tak a la ni zawk dawn a ni.

7. Planning & Programme Implementation Department in SEDP 2021 atangin cheng vaibelchhia 99.61 lai mai hmasawnna hnathawh nana Department hrang hrang a pe chhuak a ni. Heng sum hmang hian MPWD chuan kan kawngpui te nasa takin an chei tha a, hmasawnna dang tamtak pawh kalpui mek zel a ni.

8. Power & Electricity department pawhin NABARD sum nuai 7340 sengin Tlawva SHP chu that akin a siam zo tawh a. NEC atanga hmuh nuai 572 hmangin Saizawhtlang-Thenhlum 33/11 KV Sub Station leh hrui zam hna an thawk bawk. P&E Complex, Siaha chu nuai 766 sengin 2X2.5 MVA, 33/11 KV Sub Station leh 33 KV line tho Lawngtlaiah te a siam a ni.

9. MPWD chuan hripui leng karah KM 405 a thui formation cutting leh KM 47.3 blacktop hna a thawk a, Km 90 a thui Concrete hmanga kawng siam a ni bawk. National Highway kawng chhia te pawh siamthat zel a ni.

10. Rural Development hnuaiah MGNREGA –chhung kaw 207020 tan Job Card siam a ni a, 2021-22 chhung hian nuai 30994.35 pekchhuah tawh a ni. PMAY-G atangin chhungkaw 6600 in sak turah 4411 sak zawh tawh a ni. Hemi atan hian nuai 1616.214 hmuh a ni a. Heng baka hian central scheme hrang hrang atangin thingtlang hmasawnna hi tam tak thawh a ni bawk.

11. XV Finance Commission chuan 2021-21 chhungin Mizoram Village Council (District Council a VC te huam tel vekin) tan vaibelchhia 93 a dah a. LAD chuan heng sum te hi Village Council te hnenah ruahman a nih ang takin a sem chhuak a ni.

12. Transport Department chuan Hripui avanga Motor neitute harsatna hrethiamin motor document dam hun chhung 30.9.2021 thleng a pawtsei a, chhiah hrang hrang pawh pek tlai avanga pung awm chu a tihbo sak vek a ni.

13. PHE chuan 2020-21 chhungin revenue target nuai 6000 atangin nuai 5471.4 a hmu a, 2021+-22 ah target nuai 6600 atangin May ’21 thleng khan nuai 613.4 chauh a la hmu a. Heti chung hian mipui hnenah tui khaihlak lovin a la pe reng zawk a ni.

14. Social Welfare & Tribal Affairs department chuan ruihhlo do hna “Drug free India Campaign” chu ngawrh takin a kalpui reng a. Hripui karah project leh scheme hrang hrang a neih mekte pawh an chhunzawm zel a ni.

15. Mizoram Sericulture Department chu hmarchhak State zinga project kalpui tha ber “Best Implementing State” ah puan a ni. An hmalakna avangin khaw 209 a chhungkaw 5651 ten hamthatna an hmu a ni.

Department hrang hrang in hmasawnna hna an thawhte chipchiar taka tarlan vek sen a nilo va, a tlangpui chauh tlem lo tarlang chhunzawm ila.

• Aviation Wing (GAD) chuan Isolation Parking Bay, Lengpui Airport (Rs 625.74 lakhs) leh Apron Extension & Runway Safety Area (478 lakhs), Electrification of DVOR, Hmunpui ah Rs 171.06 lakhs bakah Approach Road Black Tapping 1.5 kms te thawh zawh tawh a ni.
• Taxation Department chuan 2020-21 Finanancial Year chhungin Revenue nuai 67782.44 a la lut a, May 2021 thleng hian nuai 12599.01 sawrkahah a chhung a ni.
• I&PR Department hian Hripui leng karah mipui tana hriattur pawimawh puanchhuah leh Report pek kawngah nasa takin tan an la a. Ram mipui nawlpui te Hri laka kan invenna tur inzirtirna Video, Talk Show leh a dangte an buatsaih chu a tangkai hle a ni.
• District Council & Minority Affairs Department chuan GoI atangin Autonomous District Council pathum chhunga Community Service Centre, Sports Complex leh Girls’ Hostel, etc., sak nan First Instalment nuai 2881.18 dawngin hma a la mek.
• Law & Judicial Department chuan Justice Sector tihchangtlun nan 14th Finance Commission hnuaiah Scanning & Digitisation of Case Records Pilot Project pathum Guauhati High Court (AB), District & Session Judge, Aizawl leh Lunglei ah te a kalpui mek. MINECO a High Court & District Court Building sak mek pawh hna 86% zawh tawh a ni.
• Commerce & Industries Department pawhin kut hnathawktute tan hamthatna hrang hrang a siam a, Market Building Aizawl leh hman dang a sak mekte pawh chak taka hnathawh chhunzawm zel a ni.
• Labour Employment, Skill Development & Entrepreneurship Department chuan Covid hripui avanga state danga hnathawk rawn hawte hnathawh tur siamsak kawngah nasa takin hma a la a. Labour Law te siamin April-June, 2021 chhungin hnathawktu 10893 ziah luh an ni. 2020-21 chhung hian hnathawktu inziaklut te tanpui nan cheng 5,36,52,000 hman a ni. Aprin, 2021 atangin Covid 19 package kalpui thar a ni a. Covid 19 avanga inenkawl ngaite senso atan cheng 10000 thleng puihna leh nunna chan an awm thulha an chhungte tan Death Benefit cheng 300000 chu Department a in register te tan ruahman sak an ni.
• Environment & Climate Change Department hian Ramngaw leh nungcha humhalh kawngah nasa takin tan a la zel a. Green Mizoram Day pualin thing tiak phun tur nuai khat chuang a sem chhuak. Zoological Park te cheithat a ni a. Royal Bengal Tiger pahnih dahna tur pawh siam zawh a ni tawh bawk. 2020-21 chhungin ramsain huan/lo thali a tihchhiat sak chhungkaw 126 hnenah zangna dawmna nuai 34.44 a pe chhuak.
• Account & Treasuries chuan 2020-21 chhungin pension case a dawn 3041 atangin 2368 a ching fel a. a dangte pawh chingfel tura chak takin hma lak mek a ni. Gazetted Officers new appointment, promotion & Transfer, etc case 6995 tihfel a ni bawk.

SIAHA DISTRICT CHHUNGA HMASAWNNA (2020-21)

Mizoram sawrkar chuan Siaha Distict hmasawnna tur hian hna a thawk nasa hle a, chipchiar taka tarlan vek chakawm viau mahse a sei lutuk dawn avangin a pawimawh zualpui chauh kan tarlang mai ang:

• Deputy Commissioner, Siaha: Mipui te mamawh Document hrang hrang a tul ang zelin pekchhuah a ni a. DM&R hnuaiah cheng 6103000 mi 352 hnenah pekchhuah a ni.

BRTF Road, Kawlchaw-Phura-Tongkolong Road (20-30 kms) ah Compensation mi 79 hnenah cheng 7,68,45,776.78 pek a ni a. He kawng (20-45 kms) chhunga mi pawh ram lak tur enfel tawh niin Compensation hi siam tawh a ni bawk.

Zawngling- Mawre-Chapui Road (20-42 kms) zauhna tur Final Notification 20.1.2021 ah tihchhuah a ni a. Ram lak tur Compensation pawh buatsaih mek niin zawh fel a nih hnuah Sawrkar phalna lak tura thawn nghal a ni ang.

Tuipang – Laki – Lungpuk Road 57-70 kms siamna tur Preliminary Notification 16.10.2019 a tihchhuah tawh chu survey 63.084 thleng zawh tawh a ni. Harsatna engemaw avanga survey la tih zawh loh thawh zawh a nih theih nana Mizoram sawrkara hun pawhsei sak tura dilna 12.10.2020 a thlen chu thla 12 atan pawhsei sak a ni.
National Highway 54 Kawlchaw-Tuipang Widening leh Upgradation atana 1st leh 2nd phase Compensation chu ram neitute hnenah pek vek tawh a ni a, ram pawh inhlan fel a ni tawh bawk. Chhungkaw sawnchhuah ngaite inbenbelna tur ruahmanna pawh sawrkar pawmpui turin thawn tawh a ni.

• Social Welfare & Tribal Affairs: Kum Upa, Hmeithai leh pian phunga rual banlo te tanpuina – monthly pension mi 1376 hnenah pek a ni. Chhungkaw eizawngtu ber boral vanga tanpuina 20000.00 chu mi 18 hnenah 2020-21 chhungin pek a ni. Student pianphunga harsatna nei mi 1000 hnenah Scholarship pek a ni. Permannent Disable mi 12 te hnenah thlatin tanpuina pek a ni bawk. Covid Care Package atangin kum upa 300 hnenah Covid laka invenna hrang hrang pek an ni. Covid Care Relief atangin mi 64 hnenah Buhfai leh Dal pek an ni.

• AH & Vety Department: DVO Hospital leh Quarters bakah Centre hrang hrang a RAH, Staff Quarters, Check Post leh approach road sak hna chu a tam zawk thawh zawh tawh a ni a. Vety Farm hmun hrang hrang a construction te pawh a tam zawk chu thawh zawh tawh a ni. Solar Electricity heng- State Veterinary Hospital Siaha, Satellite Boar Semen Station leh District Poultry Farm ah te bun fel a ni bawk.


• District Industries Centre: 2020-21 chhungin PMEGP diltu 92 te chu an dilna Bank ah online hmangin thawn vek a ni. Training hrang hrang neih thin chu Covid vangin mumal taka kalpui theih a ni lova. Tunah hian trainee 11 an awm mek. Adyog Aadhar Memorandum and Udayam hnuaiah Industrial & Business Enterprize 169 registered an ni.

• Power & Electricity: Construction of 2X2.2 MVA, 33/11kV Sub Station at P&E Complex with Associated 33kV lines at Saiha Town chu power supply mumal zawk a pekchhuah a nih theih nan thawh zawh tawh a ni a. DONER atanga sum hmuh nuai 741.66 hmanga thawh niin 14.9.2020 khan commissioned a ni. Tumpanglui Small Hydel Project kum 2011 a hluihlawn tawh chu chengh nuai 300 hmanga siamthar hna thawh mek a ni a, 2021 chhung hian zawh hman beisei a ni.

• School Education: DEO Siaha hnuaiah HSLC 2020 result 68.99% chu 2021 ah 83.85% niin hmasawnna nasa tak neih a ni. Toilet Block (Boys& Girls) 14 sak zawh a ni. Sawrkar school ah Free Uniform leh Text Book te pek vek an ni. Primary atanga HSS thlengin Sports Goods pek a ni. CWSN hnenah tanpuian pek – transport charge leh hmeichhe naupang hnenah Stipend pek a ni. Science leh Maths kid sem a nih bakah Mid-Day Meal tha taka kalpui a ni bawk. Padna Likhna Abhyan (PLA) Puitling ziak leh chhiar thiamlo te thiamtirna kawngah Siaha District chu a ti tha ber niin 69.38% (775 out of 1117) achievement record a ni.

• Rural Development Department: MENREGS hnuaia khua 49 ah Job Card 11150 a awm a. Ni 100 inhlawhna atana pawisa sem hi nuai 2484.48 a ni. Material Components ah nuai 389.28 leh administrative cost atan nuai 71.89 hman a ni bawk. March 31.2021 thlenga hman ral zat FY 2020-21 chu nuai 2945.65 a ni. Covid 19 vanga harsa te tanpuina tur CM Relief Fund atangin Siaha RD Block ah chhungkaw 168 hnenah 1000 theuhin sem a ni.

• PHE, Siaha WATSAN Division: Pangkhua WSS hna 54 % thawh zawh a ni tawh a, Augmentation of Urban WSS ah 98% thawh zawh a ni tawh bawk. R&A Greater Saiha WSS , Sangau Pumping WSS leh Tuipang leh a chhehvel khua WSS te tha taka hna kalpui mek a ni. Swatch Bharat Mission hnuaia IHHL ah achievement hi 1488HH a ni. 2020-21 chhungin mimal tui connection 675 pek a ni a, kumin 2021-22 ah hian target 468 pek tum a ni.

• Mz SRLM: Self Help Group 13 siam thar a ni a, a vaiin Siaha District chhungah 231 Group siam tawh a ni. 2020-21 chhung hian Self Help Group ah pawisa 1648500 pek chhuah tawh a ni. Cheng 6,7,00,000 hi Group 67 hnenah Loan a pek a ni bawk.

• PWD: PMGSY a Siaha District hmun hrang hrang a kawngpui siamna atan April 2020- June 2021 thlengin 3192.54 lakhs hman tawh a ni a, SEDP hnuaiah Resurfacing Road ah 80 lakhs hman a ni bawk.

• Economic & Statistic: Survey neihna te- Farm Activities Data Survey (2 times), Survey on Inflow of Cement & Iron Rod (yearly) Consumer Price Index Collected urban area (monthly), Rainfall Report (monthly) Collection of Market Price (quarterly). Registration of Birth & Death 2020-21 – Certificate re-issue= Birth- 1081, Death-30. NAC Birth- 456, Death-21. Revenue hmuh zat Rs 7,88,800.

• Horticulture Department: Mission for Integrated Development of Horticulture (MIDH) hnuaih thlai thar chhuah a pun theihna turin Siaha District chhunga khaw hrang hrang a huan neitute tanpui leh enkawl an ni a. A vaiin huan ram 110 Ha enkawl a ni. Thiamna leh Hmanrua/ Bungrua te a theih ang angin pek leh siamsak an ni bawk. Individual Water Tank, Community Water Tank, Farm Mechanization- Sprayer, Cutter, etc. te huan neitute hnehah pek an ni. PMKSY leh PDMC Scheme hnuaiah farmer 10 hnenah tanpuina 12 lakhs pek a ni.

• Sericulture Department: 2020-21 chhungin District Sericulture, Siaha chuan Muga Silk Development Project ah khaw 21 a tuam mek a, a chhawr tu chhungkaw 400 an awm. Food Plants for Eri Silkworm chingtute hnenah Castor Seeds sem a ni a, Mulberry Seed Farm enkawl mek a ni.

• Fisheries Department: Blue Revolution Scheme hnuaiah Sangha Dil siamtute tanpuina pawisa 2018-2020 chhungin cheng 1,40,59,000 leh sangha chi mi 14 hnenah 8350 a man chanve in pek an ni a. Sangha chaw thahnem tak sem chhuah a ni bawk.

• DCSO, Siaha: Covid vanga harsa te tanpui nan MBOCWWB leh LESDE atangin tanpuina cheng 39,18,495 hmuh a ni a. VLTF te recommend angin harsa te hnenah buhfai kg 35 zelin chhungkaw 11723 hnenah heng pawisa hmang hian sem a ni. PMG-KAY hnuaiah ration a thlawnin chhungkaw 9175 hnen ah sem a ni bawk. Nuai 146.48 hmangin Warehouse leh Staff Quarter pahnih Chakhang leh Chhuarlung ah sak a ni.

• Health Department: Siaha District huam chhungah hian Health department hian an hna pangngai bakah Covid vanga hna thawh leh thil tih a ngah hle a. thawktute pawh an rim viau a ni. April-June 2021 chhung hian Damlo 19700 en a ni a, Hospitalah damlo 1195 admit an ni. Covid Vaccine First Dose 32304 leh 2nd Dose 7296 pek tawh a ni. Covid Positive hi First Wave ah 37 leh Second Wave ah 802 an awm a. Test Positive rate hi 1.1 % leh 6% a ni. Covid vanga thi 1 a awm tawh bawk.

A tawp nan ka Department chan tlem lo sawi lang ve ila :

Sports & Youth Services Department chuan infiamna khawvela Mizoramin hma a sawn zel theih nan chak takin hma a la zel a, hawn mai theihin Saitual Artificial Football Turf, Sihphir Multipurpose Indoor Hall, Joint YMA Field, Vaivakawn-a Multipurpose Sports Complex te, Youth Recreation Centre cun Amalgamated Office, Sports & Touth Services, etc. te chu hawn hmabaka peihfel tawh a ni a, Mizoram State Sports Council hnuaiah hnathawh mek eng emaw zat a awm a, chung zingah chuan Khelo India atangin Saidan Kolasib-ah Rs 500 lakh a phullem phah zawh tawh te, Rs 500 lakh in Lengpuiah phullem phah mek te, Aizawl Sport City projects atanga Rs 8000 lakh hmangin hnathawh mek te leh Rs 550 lakh man Muallungthu Sport Center-a Synthetic Hockey Turf phah te, Khelo India hnuaia Rs 500 lakh man Synthetic Football Turf 1st BN MAP Football Ground, Armed Venga phah te, NEC hnuaia Rs 682.90 lakh man Artificial Turf, Hnahthiala phah leh a dangte a tel a ni. Mamit, West Phaileng, Kawrthah, Lunglei leh Lawngtlaiah- Residential Sports School sak nan PMJVK atangin Rs 16751.70 lakh hmanga thawh mek a ni.

Sport Promotional Programme chuan rah tha a chhuah zel a, Mizoram atanga kan infiammi Lalremsiam chu kumin Tokyo Olympic Games 2020-ah India ram aiawhin Hockey Team-a player pawimawh tak a ni a, Mizoram sawrkar chuan amah chawimawi nan leh lawmpui nan sumfai cheng nuai 25 bakah sawrkar hna leh Kolasib-ah inhmun a pe dawn a ni.

Ani bakah hian infiammi tha tak tak kan neih te hian khawvel huapah Mizoram hming an titha em em a. Dubai-a May ni 14-31a Asian Elite Boxing Championship buatsaihah Lalbuatsaihi chuan silver medal a la a. March ni 23-31, 2021 a Tashkent Uzbekistan-a World Junior Weightlifting Championship buatsaihah Jeremy Lalrinnunga chuan silver medal a la bawk a ni. Professional Boxing lamah pawh Mizoten hma kan sawn nasa a, Lalrinsanga Tlau chu WBC World Youth Champion niin, Siaha tlangval NT Lalbiakkima pawh IBA Intercontinental Champion a ni bawk.

Tourism Department chuan Covid- 19 vanga kan buaina te a ziaawm hun tur thlir chungin tourism hmasawnna tur ruahmanna hrang hrang a siam a. Dan leh hrai siam bakah tourism & hospitality service lama thiamna tihhmasawn kawngah tan a la nasa hle. Ministry of Tourism chuan Aizawla Convention Centre & Associated Infrastructure sakna tur cheng nuai 3994.75 chu March 31.2021 khan a pe a ni. Hripui avangin harsatna Tourism hian a tawk nasa hle a, 2019-20 ah nuai 305.70 a hmuh laiin 2020-21 ah chuan nuai 38.39 chiah a hmu thei a ni.

ICT Department pawhin chak takin hma a la zel a. Telecommunication tihhmasawn nana kan mamawh em em ‘The Mizoram Telecom Infrastructure Policy,2020’ chu Cabinet Meeting in 1.10.2020 khan a pawm a, hman nghal a ni. Bharat Net hnuaiah Optical Fibre khaw 41 thlun zawm a ni tawh a. Zirlai naupang ten IT ah hmasawnna an neih theih nan Secondary leh Higher Secondary School 71 hnenah Computer Set 7, Multi Functional Printer 1 leh UPS lian 4 theuh 2021 ah hian pek an ni. PMJVK hnuaiah High School 20 hnenah Smart Classroom changtlung tak siamsak an ni dawn a, hnathawh tan a ni tawh bawk. ICT Department chuan Hripui leng karah awlsam taka kan indawr zung zung theih nan System thar a duang chhuak a, mPASS hmang hian thil tam tak awlsam takin kan tih theih phah a ni. Heng bakah hian CM Relief Fund Online a pekna te, Covid hrileng laka kan invenna tur pawimawh Video leh thlalak hrang hrangte a siamchhuak bawk. Chief Secretary kaihhruaina hnuaiah Mizoram Broadband Committee din niin, anni hian Mizoram chhungah Telecom hmalakna hrang hrang an thlirho thin dawn a ni.

A tlangkawm nan chuan vawiiah hian he kan ram ropui tak ropuina leh inpumkhatna vawng hima, chawi nung zel tur leh Siaha District hmasawn nan leh mipuite hamthat nana thawk zel turin i inhlan thar leh ang u.

KA LAWM E

JAI HIND