3349/2022-2023

Siaha; the 25th January,2023:Vawiin chawhma dar 10:00Am khan District Election office,Siaha buatsaihin DRDA conference Hall-ah 13th National Voters' Day lawmna hun hman a ni. 13th NVD thupuiah Nothing Like voting,I vote for sure hman a ni a.

Vawiin programme hi Pi Lalnunmawii, Addl DC leh ERO ni bawk chuan kaihruaiin, Pu Lalsangliana, District bawrhsap leh DEO ni bawk chuan khuallian niin programme a hmanpui.

Khuallian Pu Lalsangliana chuan thu sawiin, India hi democracy ram a ni angin, Vote nei chin chuan inthlanna-ah vote kan thlak ngei ngei tur a ni. Hei hi India khua leh tui kan nihna anga kan mawhphurna pawh a ni. Kan aiawha roreltu tur inthlanna hrang hrangah, kan chhiat leh tha hriatna fim tak hmanga vote thlak hi kan tih makmawh leh duty a ni tih i hre thar leh ang u. Inthlanna-a kan vote hlu tak kan thlak hian Ram rorelnaah min tel tir ve a ni ti hriain; therhlo leh enge emaw thil vang mai mai a tih bawrhbang lo turin i fimkhur ang u, tiin vote nei thar te a chah hlawm.nVote neih thar te a lawmpui thu sawiin, EPIC hi india mi leh sa in nihna tichiangtu document pawimawh ber te zing a mi a ni a, kawl tha khiau ang che u, a ti bawk.

Pu Pakhaw Chozah, President MTP(H) pawhin vote nei tharte fuihna thu tha tak a sawi bawk.

Pi Helen Lalrinzuali, Superintendent, DC office chuan India ram democracy kaldan phung chawinung zel tura THUTIAM kalkhawm mipui te a lak tir bawk.

13th National Voters' Day pual hian Siaha District chhunga BLO hna thawk tha te hnenah chawimawina certificate leh tangkafai hlanna hun khuallian hian a hmang nghal a.

39-Saiha (ST) AC atang leh 40-Palak(ST) AC atangin BLO hna thawk tha ber Pakhat ve ve thlanchhuah an ni a. Lawmman hian Certificate bakah Rs.5,000/- a keng tel.

Lawmman dawngtute chu:-

49-Palak AC atangin Pu B.Vamo, Headmaster, M/S Khopai

39-Saiha AC atangin Pu C.Lianhranga, Headmaster, M/S,Chhaolô-II

MHIP Sub-Hqrs aiawh Pi H.Lalawi chuan Vote nei tharte hnenah hlan chhawn turin BLO te hnenah EPIC hlanna hun a hmang bawk.

Pu Vabeimozachhi Chozah,DTO,BDO leh AERO ni bawk chuan lawmthu sawina in vawiin Programme hi a khar ta a ni.