Vawiin chawhma dar 10:00AM khan DC Conference Hall-ah 29th  ROAD SAFETY WEEK  hawnna inkhawm nei a ni.

Vawiin Road Safety Week  hawnna inkhawm hi Pu C.Lalawmpuia, MVI in kaihruaiin, Pi Lalnunmawii DTO leh SDO(S) ni bawk chu khuallian a ni.

Vawiin programme hi  Session hniha then a ni a.

Session 1-na-ah hian Week hawnna leh khuallian thu sawina hun te, week puala Essay competion leh Best Driver lawmman semna hun te hman a ni.

Session 2-na hi Driver te puala Training buatsaih a ni.  1) Traffic Management tih thupui hmangin SDPO in zirtirna a pe a. 2) MV Act & Rules tih thupui hmangin ESI,DTO in zirtirna hun a hmang bawk. Zawhna leh chhanna hun pawh hman nghal a ni bawk.

29th Road Safety Week Puala Essay competition a lawmman dawngtu te chu:

1st Prize-L. Melina,  ECM H/S niin, tangkafai  Rs. 2000 leh certificate pek a ni.

2nd Prize-  Mecidy K Marapawngia, Siaha H/S a ni a, Rs. 1500 leh certificate hlan a ni.

3rd Prize- C. Lalnunsangi, ECM H/S nin,  Rs. 1000 leh certificate hlan a ni bawk.

Driver tha thlanchhuah te hnenah tangkai leh Certificate pek an ni bawk.

Govt Driver zinga  Best driver thlanchhuah chu: Pu H.Hrangthanzuala, College Vaih niin, Rs. 1000 leh certificate pek a ni a.

 Auto Driver, zinga Driver tha ber- Pu T. Biakhmingthanga, Meisatla niin, Rs 1000 leh certificate hlan a ni.

Taxi Driver zinga Driver tha ber thlanchhuah  chu Pu J.L.T Thlengzela Meisatla veng niin, , Rs 1000 leh certificate hlan a ni bawk.

Vawiin Programme-ah  hian Signature Board siamin, Driver ten Fimkhur taka Lirthei khalh a, Nun chhanhimtu ni turin ka intiam e tihin hming an sign theuh bawk a ni.