Vawiin chawhma dar 11:00Am khan Siaha RD BDO office Complex a  BNGSK Hall-ah
Mizoram State Rural Livelihoods Mission(MzSRLM) hmalaknain *Aajevika Diwas* hman a ni.
Vawiin programme hi  Pu Lalrinawma Khiangte Siaha BDO kaihruaina hnuaiah hman a ni.
*Aajeevika Diwas* in a tum ber chu hmeichhe harsa leh rethei, È›halai leh an chhungkua te tan a phurna thar siamsak te, Self Help Group memberte hlawhtlinna phochhuah te leh thingtlang mite hnena  a tam thei ang bera sawrkawr hmalakna hrang hrang hriattir a ni.
Vawiin  hun hmanna-ah hian Pi C.Siku Community Resourse person leh  *Estheri Self Help Group*  member ni bawk chuan Self Help Group-a atel veh avang  a hlawhtlinna  leh hamthatna  hmuhdan chanchin ngaihnawm takin a sawi a. 
Mithiam sawmbik Dr.Lalnunziri Senior Medical Officer  te, Dr.Zaitinvawra District Child Protection Officer te, Pu Lalhminghlua Branch Manager SBI Siaha te, Pu ZT.Vawra District Consultant, State Tobacco Control Society te leh Pi C.Vanlalhruaii Block Mission Manager,MzSRLM   te pawh thu sawina hun hmangin,  mipui te tana hriattur pawimawh tak tak an sawi hlawm bawk a ni.
Central Sawrkar ațangin Pu T.Chinsum Under Secretary, Ministry of Health &FW leh Pu Rishi Kumar Director, Ministry of Earth Science ten vawiin programme hi an chhim bawk.
Vawiin programme  denchhen hian District Tobacco Control Cell,NCD leh District Mental Health Programme te chuan free clinic an nei nghal a, vaihlo sim duhte tan counselling neiin, BP leh zunthlum test te a thlawnin an tihsak nghal bawk a ni.
 Hemi bakah hian SBI Siaha Branch chuan *Gram Swaraj Abhiyan* hnuai a saturation campaign an hawngin,  Self Help Group member engemaw zatin PMSBY,PMJJBY enrollment leh PMJDY account an  hawng nghal bawk a ni. 

Attachment

  • Loading attachment...