No.1067/2020-2020

Vawiin chawhma dar 10:00Am khan DC Conference Hall-ah Agriculture Development Board (ADB) member te chuan ADB in SEDP hnuaia Covid -19 lockdown chhunga an hmalakna te puangzar tur leh kuthnathawktu te dinhmun leh an thil mamawh te zirchiang turin meeting an huaihawt.

Mizoram Agriculture Development Board member-te chu team hnih (2)-ah inthenin Mizoram District–te an tlawh chhuak mek a. Agriculture Development Board Team- 1 member te: Pu Lalropuia Pachuau, Pu Lalsangliana Hnamte leh Pu C.Rongura te chuan Siaha-ah lokal in, DAO & DHO te bakah Joint VC, Siaha district AMFU, MTP(Gen. Hqrs) leh MJA,Siaha hruaitute nen meeting neiin; meeting hi Pu Zoramthanga,DAO in a kaihhruai a ni.

Pu Zoramthanga,DAO in Covid-19 avanga ei leh bar a harsatna thleng thei tur laka Siaha district tha taka kan lo inpuahchah theih nana Minister Dr.K.Beichhua, Pu KT.Rokhaw,MLA leh Pu N.Zakhai,CEM,MADC te hova Siaha Districtini Covid-19 Food Security Cinsultative Committee(SDC-FSCC) din a nih thu leh an hmalak tawhna leh an hmachhawp te tarlangin; naktuk zingah amah hova MTP(H) President leh Joint VC Chairman te nen SDC-FSCC hmalakna hnuaia JCB hmanga Phura Leilet a hnathawh tur vil tura an chhuah nghal tur thu report a pe bawk.

Mizoram Agriculture Development Board Team-I leader Pu Lalropuia Pachuau chuan; Party hrang thiau Minister Dr.K.Beichhua, Pu KT. Rokhaw,MLA leh CEM Pu N.Zakhai ten Party kawr hlipa; Siaha District tana inlungrual taka thukhat vuana hma nasa taka an lo la hi, a ropui lutuk tih bak sawitur avang a ni. Hetiang hian hma in lo la daih tawh tih hria i la, kan lo kal pawh a ngai lo mai thei a ni, a ti. Mizoram a district dang te entawn tlak tur khawpin in Politician te hian hma an lo la reng mai hi ropui kan tiin; kan kalna apiangah sawi zel tlak a ni, a ti bawk.

Pu Lalropuia chuan Covid-19 hrileng avangin khawvel pumah industry tam tak an chawl thup a, mi tam tak eizawnna a tawp a, khawvel economy pawh a tlahniam mek zel a. Post-Covid-19 a Ei leh bar kawnga harsatna thleng thei tur laka lo invenglawk hi khawvel pumpuiin a buaipui ber a ni tawh a ni. Tunah hian Neitherland,Germany leh England -ah te pawh kum dang zawng aia thlai chi an mamawhna a sangin; mipuiin thlai chi pawh an inchan lo tan der tawh a ni. Mizoram sawrkar pawhin heti lamah hian theihtawp chhuahin hma a la mek zel a.Kuthnathawktu ten an harsatna te leh an thil hriat duh te an thlen zung zungna tur Farmer’s Helpline number (0389- 231160) ( 0389 -232856) pawh siam in, heng number-teah te hian zing dar 10:00Am atanga chawhnu dar 2 :00Pm thleng biak pawh reng theih an nih thu meeting-ah hian a tarlang a ni. Farmer's Helpline a thu thlen te hi Agriculture Minister Pu C.Lalrinsanga hova chinfel thin a nih thu sawiin; kuthnathawktute chu an harsatna te Agriculture Department hnenah thlen vat thin turin a chah hlawm a. Kuthnathawktute mamawh lei tih thatna, hlo tur, link road leh tuikhuah te ruahman turin kum dang aia nasa in Department-in hma a lak mek thu kalkhawmte a hrilh bawk.

AMFU,MTP(H) leh Joint VC te pawhin ADB team te hnenah Siaha district in ei leh bara a intodelh theih nana a mamawh hmasa ber chu leiletna tur Tractor leh Tui lakna Irrigation Channel a nih thu an lo thlen bawk. ADB Team te hnenah hian Siaha district bikah chuan SDC-FSCC hmalakna in Agriculture & Allied Sectors Baseline survey pawh zawh vek tawh a ni a, chumi tlawhchhan chuan hmalak tan mek a ni a. Tunah hian SDC-FSCC hian engmah sum a nei lova, hnatawh tan nan MLA-2 ten Rs.20,000/- ve ve an thawh leh MDC 28 ten Rs.10,000/- theuh an thawh atangin hma an la tan mek a, thil tam tak chu a bâ in an kalpui mek a ni. Mizoram sawrkar hian SDC-FSCC kut tha a tihchak hi thil pawimawh hmasa ber a ni thu an lo thlen bawk a ni.

Meeting-ah hian ADB in SEPD hnuaia an hmalakna leh hmachhawpte zau taka sawiho niin zawhna leh chhanna hun te hman a ni bawk.

Agriculture Development Board member-te hian MTP(H) hnenah Covid-19 do nana an hman tur sum fai Rs.5000/-an President Pu PP.Zalena hnenah an hlan bawk a ni.

Agriculture Development Board member-te hian vawiin vek hian Chawngte leh Tlabung an tlawh leh dawn a ni.