No.3487/2021-2022

Aizawl, the 21st December 2021 : Vawiin chhun dar 12:00(Noon) khan DRDA Conference Hall,Siaha-ah Mizoram Youth Commission (MYC),Medhavi Foundation leh Siaha District Skill Core Committee tangkawpa buatsaih Cake ur zirchhuak te leh Cement Mistiri zirchhuak te hnen ah hmanrua semna hun hman a ni.

He hun hi Pu N. Lalzarzova, SDC chuan kaihruaiin District Bawrhsap, Pu. Kesavan R, IAS chuan khuallian niin a hmanpui bawk.

Khuallian Pu. Kesavan chuan thusawina hun neiin Mizoram Youth Commission, Medhavi Foundation leh Siaha district Skill Core Committee ten thalai te hmakhua ngaia Cake ur zirna leh cement mistiri zirna an rawn buatsaih hi lawmawm a tih bakah hmanrua a rawn pe tel leh zel hi lawmawm a tih thu sawiin, Cake ur zirten kan district tan in thil zirte hi tangkai taka hmang tur leh hlawhtlingna chang ngei turin duhsakna ka hlan che u a, in thilsiam chhuah te reng reng thianghlim taka siam turin ka chah duh che u a ni tiin Cement Mistiri zirchhuak te hnen ah pawh hman ah chuan mau leh thing hmangin In kan sa thina khawvel changkan na in kan ram pawh min rawn umphak ve tak ah chuan kan in sak duhdan te a lo danglam zo ta a hmana mau leh thinga in sa thin khan tunah chuan cement building in In te kan lo din in kan siam ta a, chung kan In sak te chu hmungdang a mi mistiri kan rawih thin hi Mizoram Youth Commission chuan tha lo a tiin hmala a nghala kan rama kan thalai te zirtira thiam tir ve turin hma nasa takin a la vawiin ah chuan chung an hmalakna te tih hlawhting tu in ni a, inhnathawh na hmun ah pawh taima tak leh in thil zirchhuah te tangkai taka hmang turin duhsakna ka hlan a che u a ni. Cake ur training chhuakte leh Cement Mistiri te chu thiam nal turin leh tuichilha ti ngun tur leh hmasawn tum tura ngaihtuahna seng tam turin a fuih a. Hlawhtlinna dal tura harsatna awmte huaisen taka paltlang thin tur leh harsatna tawklo an awm loh avangin an kalzelna kawnga harsatna awm theite chu daltu atana hmang lo turin a chah a. An thiamnate tangkai zawka chhawr turin inzarpharha midangte hrilhhria a inphochhuah nachang hre turin a chah a ni.

Bawrhsap chuan Cake ur zirchhuakte leh Cement Mistiri zirchhuak te chu mahni kutke ngeia dinchhuah leh intodelh tlat tum tur leh midang kuta innghah tum lo tura fuihin,chumi tur chuan thiamna tluantling, taimakna, tumruhna leh huaisenna neih a ngai a ni, a ti a. Sawrkarin training a buatsaih sak leh bungrua a pekte chu a nihna ang tur taka hmanga, eizawnna ngelnghet neih nana chhawr tangkai theuh turin duhsakna a hlan a ni.

Khualian Pu. Kesavan chuan Cake Baking Training chhuak mi 20 te leh Cement Mistiri Training chhuak mi 10 te hnen ah Cake urna Oven leh hmanraw dang te bakah Cement Mistiri te hnen ah Randi leh hmanraw dang an mamawh tur chi hrang hrangte a hlan nghal bawk.

He hun hi Pu N. Lalzarzova, SDC chuan lawmthu sawina in a ti tawp a ni.