Mizoram hmun dangte rualin Siaha-ah pawh vawiin chawhma dar 10:30Am atang khan District Playground, Siaha Vaihpi-ah Chapchar Kut-2018  programme hlimawm tak hman a ni.

Vawiin Chapchar Kut lawmna Programme-ah hian Pu N. Zakhai, Chief executive Member, MADC chu Kut Pa niin, Pu VL. Hruaizela Khiangte, Project Director, DRDA chu Kut Thlengtu a ni bawk. Kut hawnna hla hi
Group YMA zaipawl ten sain, Pu C. Sangmanga, New Siaha chuan Hlado Chhamna hun a hmang a ni.

Vawiin Chapchar Kut lawmna-ah hian Siaha District a School hrang hrang atangin Zirlai naupangten Pawnto hmuhnawm tak an entir a, Hnam incheina leh hnam lam hrang hrangte chu MTP, M.CH.P., YLA, LWA, MHIP
leh MGYA ten an entir bakah lamthiam leh zaithiam thahnem takin a group leh a  mal te in mipui kalkhawm te chu lam leh zaiin an awitlei bawk a ni.

Kum tina an lo tih thin angin Miss Chapchar Kut thlan niin, Nl. Linda Vanlalmawii, New Colony chu Miss Chapchar Kut-2018 atan thlan a ni a, 1st Runner-up atan  Caroline C. Rohlupuii, New Siaha leh 2nd Runner-up atan K. Lalnunhruaii, New Siaha East-II te chu thlan an ni bawk

 Vawiin Chapchar kut lawmna pual hian Hnam Incheina a inthuam nalh berte thlanna catagory 4: Mipa leh Hmeichhia (Puitling leh naupang kum 7 hnuailam-ah) neih niin, Mipa puitling a inchei nalh ber atan  Pu VL.
Hruaizela Khiangte, PD DRDA  chu thlan niin, Hmeichhe puitling a inchei nalh berah  K. Lalrinkimi, Teacher Presbyterian English School chu thlan a ni. Hmeichhe naupang-ah Georgina Vanlalremi  d/o David
Rodingliana, Siaha Vaihpi  chu inchei nalh berah thlan a ni a, Laldampuia s/o  Lalthlamuana, New Siaha chu mipa naupang inchei nalh berah thlan a ni bawk.

Kumin Chapchar Kut lawmna pual hian Chapchar Kut Organising Committee chuan Pu A. Zakia, Padma Shree Awardee, Siaha Vaihpi hnenah chawimawina leh lawmpuina hun hman a ni bawk. Pi P. Chaki, President M.CH.P. Hqrs, Siaha chuan lawmthu sawinain vawiin Chapchar Kut- 2018 lawmna hun hi a titawp a ni.