3751/2022-2023

Siaha, the 3rd March : Mizoram hmun dangte rualin Siaha-ah pawh vawiin chawhma dar 11:00Am atang khan District Playground, Siaha vaihpi-ah Chapchar Kut-2023 programme hlimawm taka hman a ni a. Chapchar Kut-2023 thupui atan ZOFATE INPUMKHATNA tih hman a ni.

Vawiin Chapchar Kut lawmna Programme-ah hian Rev. Dr. C.Thalai, Lakher Pioneer Mission hnuaia Kross Sipai dam awm chhun, kum 93 mi chu Kut Pa niin, Pu Lalhmunsanga Hnamte, Deputy Commissioner,Siaha chu Kut Thlengtu a ni bawk. Kut hawnna hla hi MTP Hqrs, zaipawl ten sain, Pu Lalhmingliana'n Hlado a chham bawk.

Chapchar Kut-2023 lawmna-ah hian Hill Gate English School, Don bosco School, Beaulah English School, Joel Public English School, Ryusa English School leh Adventist English School zirlai naupangten Pawnto hmuhnawm tak an entir a. Hnam incheina MUP, MCHP; LWA leh MHIP ten entir bawk.

YMA,MGYA,MCHP,MHIP leh LWA ten hnam lam an entirin, Programme kar lakah Kut chhima kal mipui te tan Chheih lamna hun hman niin Group zai hmuhnawm tak Siaha Life Music Ministry, Maraland Rock Society leh Suzarain Music Band ten an entir bakah malzai Pu Lallianmawia, Pi S. Siamkungi, Tv. Roluahpuia,Nl. H.Lalruatpari ten mipui kalkhawmte chu zaiin an awitlei reng bawk. Kut chhim zawng zawngten Kut puala in duhsakna entirnan Chawnghnawh hun hman nghal a ni.

Kum tina an lo tih thin angin Miss Chapchar Kut leh Mister Chapchar Kut thlan niin, Nl. S Remruatsangi D/o S Laldinthara,New Siaha 'E' chu Miss Chapchar Kut, 2023 atan thlan a ni a, Tv. Lalmuanthanga S/o PB.Lalthianghliama,New Siaha 'W' chu Mister Chapchar Kut,2023 atan thlan a ni bawk.

Vawiin Chapchar Kut lawmna pual hian Hnam Incheina a inthuam nalh berte thlanna neih niin, Mipa puitling a inchei nalh berah Prof.Chawngkhuma Chawmgthu,College Vaih chu thlan a ni a, hmeichhe puitlingah Nl.Lalrinzuali Chinzah D/o Zosanglura,New Siaha E-II chu thlan a ni bawk. Hmeichhe naupang-ah Amanda Vanlalpeki D/o R.Ramdinthara,Meisatla thlan a ni a, mipa naupangah Aslan Lalremsanga S/o T.Lalrinawma,Siaha Vaihpi chu thlan a ni bawk.

Kumin Chapchar Kut-2023 pual hian chapchar kut kaihnawih thil ziak hnem ber leh ziak tha ber bakah kan hnam zia-rang, incheina, hla leh lam te chawinun leh tihmasawnna tura mipui te hnena zirtirna pe tha ber atan Best Newspaper thlanchhuah a ni a. Lawmman hi Maraland Daily Newspaper in a dawng a ni.

Vawiin Kut lawmna hunah hian Pi Lalnunmawii, Additional Deputy Commissioner, Siaha chuan lawmman semna hun hmangin, Pi Vanlalsawmi Varte, President MHIP chuan lawmthu sawina in vawiin Chapchar Kut-2023 lawmna hun hi a titawp a ni.

Attachment

  • Loading attachment...