Mizoram hmundang te rualin Siaha-ah pawh vawiin chawhma dar 11. 00 AM atang khan District Playground-ah Chapchar Kut Programme hlimawm taka hman a ni.

Vawiin Chapchar Kut lawmna Programme- ah hian Pu R. Zarzosanga IAS District Bawrhsap chu Kut PA a ni a. Pu N. Chakhai Addl. D.C chu Kut thleng tu ( Chairman ) a ni bawk. Kut hawnna hla hi Joint Y.M.A ten sain, Pu C Sangmanga'n Hlado chhamna hun a hmang bawk . Kumin India ram pumpui huapa Naupang huaisen te chawimawina National Bravery Award dawngtu Ramdinthar hnenah Chawimawina Thuziak leh thilpek dangte , Chapchar Kut Organising Board, DC Office Siaha leh MCHP Hqrs. ten an hlan bawk.

Vawiin Chapchar Kut lawmna ah hian School sawmpakhat (11) atanga zirlai naupang kal khawmten Pawnto an entir a, hnam Incheina leh hnam lam hrang hrang te chu MTP,MCHP,YLA,LWA,MHIP leh MGYA ten an entir bawk a. Heng infiamna chi hrang hrang Insuknawr, Inhruaipawh leh Kalchhek chuan te hmanga intih siakna neih a ni a. Heng bakah hian Chapchar Kut vuakveta Chapchar Kut chungchang leh Chapchar Kut kaihhnawih News ziaktha ber leh ziak hnember Chanchinbu 3 te leh Consolation prize dawng Chanchinbu 3 te hnenah tangkafai hlan an ni bawk.

Miss Chapchar kut leh Mister Chapchar Kut thlan a ni a, Miss chapchar Kut a tan Nl. TH. Lalmuanpuii New Siaha veng leh Mister Chapchar Kut atan Tv.Andy Lalfakzuala Varte MCS, Siaha Circuit veng te thlan an ni. Chapchar Kut denchhena infiamna hrang hrang leh thildanga lawmman dawngtu te hnenah Pu R.T Zachono, CEM,MADC in lawmman semna hun a hmang a. Pu V. Zacho, Executive Secretary, MADC in lawmthu sawinain vawiin hun hi a khar ta a ni.