Vawiin chawhma dar 10:30Am khan DC Conference Hall- ah District Consumer Protection Council, Siaha buatsaihin “ Consumer Awareness Campaign nei a ni.

Vawiin awareness Campaign hi Pu Andy Lalfakzuala Varte SDC (P) in a kaihruaia, Bawrhsap Pi Harleen Kaur chu khuallian a ni. Khuallian Pi Harleen chuan Consumer ten kan dikna chanvo kan hmuh thei nan kan thil lei-ah fimkhur ila,Maximum Retail Price, Expiry Date etc. te ngai pawimawhin, thil dik lo awm a kan hriat chuan District Consumer Redressal Forum-ah thlen vat thin ang u, a ti.

Pu C.Sangmanga, President District Consumer Protection Association pawhin thusawiin, DCPA in hma a lo lak tawh dan leh hmachhawp te report a pe a, Redressal Forum chak taka a kal thei nan DC Office lam thawhpuina a ngen bawk a ni.

Pu C.Zadailova, DCSO pawhin thusawina hun hmangin, LPG leh K.Oil a Siaha District in harsatna kan tawh mek dan te leh sawrkarin kan harsatna te sukiang tura hma a lak mek dan te a sawi bawk.

Vawiin Consumer Awareness Campaign pual hian Sikul naupang te tan Painting Competition te, Human Chain Rally (Kut insuihkhawm veka kal) te leh Consumer te tana hriattur pawimawh Lorrain Market kawta sawirualna hun te buatsaih a ni.