Vawiin chawhnu dar 2:00 khan Special State Level Bankers’ Committee (SLBC) Meeting of Mizoram for Special Drive on Financial Inclusion chu State PMJDY Mission Director Pi LN Tochhawng, Finance Commissioner kaihhruaiin Secretariat Conference Hall, Aizawlah neih a ni.
Central Sorkar-in mitin tena Financial Service chi hrang hrang kan hman tangkai theuh tura Financial Inclusion Scheme a duanchhuah Pradhan Mantri Jan Dhan Yojaja (PMJDY), Prime Minister Zahawmtakin August 15, 2014 a lo tlangzarh chu tihhlawhtlin a nih theihna tura Ministry of Finance, Department of Financial Services, New Delhi-in tunhnai a India ram state zawng zawng a State Level Bankers Committee Convener-te leh State Sorkara Mission Director (PMJDY)-te hnena beihpui thiak tura a hrilh bawhzuiin meeting neih a ni a. Hetah hian Mizoram chhunga naupang kum 10 chin chunglam leh puitling zawng zawngten Bank account an neihtir vek dan tur bakah bank account kaihhnawih thil pawimawh dang tipuitling tura beihpui thlak dan tur thil hrang hrang rel a ni.
Sorkar laipuiin a duhdan chuan he beihpui thlak (Special Drive) hi thla khat leh a chanve (September 15, 2016 atanga October 31, 2016) chhunga hman tur a ni a. Hemi chhung hian District tinah lian tham takin vantlang inkhawm turn thum huaihawt tura tih a ni a. He beihpui hi a hlawhtlin ngei theih nan thawh hnih a beih tur a ni dawn a. A Thawh khatna {Track i)-ah chuan heng:
a) Aadhaar leh mobile number bank accounts nena thlunzawm (Seeding)-te
b) RuPay card /PIN pek chhuah leh account tih nun (activation)-te
c) Aadhaar enrolment awlsam zawk a tih theihdan tur te
d) Financial literacy video siam chungchang te
e) RuPay Insurance Program 2016-17 hnuaia bank account tihchet (activate) pawimawhna tarn zawka inhrilh hriat te
f) Bank service chungchanga lunghawi lohna chinfel theihdan inhrilhhriatna te
g) Business correspondents-te leh Bank Mitra-te hnena training leh zirtirna pek tarn dan tur te
h) Department of Financial Services hnuai a Scheme pawimawh 6-te Pradhan Mantri Jan Dhan Yojabna (PMJDY), Pradhan Mantri Jeevan Jyoty Bima Yojana (PMJJBY), Pradhan Mantri Suraksha Bima Yojana (PMSBY), Pradhan Mantri Mudra Yojana (PMMY), Stand Up India (SUI) leh Atal Pension Yojana (APY) chungchang te mipuite hrilh hriat zau nan hun hman a ni ang.
A Thawh hnihna (Track 2)-ah chuan Pradhan Mantri Mudra Yojana (PMMY) leh Stand Up India (SUI) scheme hnuaia diltuten awlsam zawk a loan an hmuh theihna turin anmahni puihna hun atan leh a Thawh khatna hun laia Social Security Scheme sawi hrang hrang PMSBY, PMJJBY & APY chungchangte bawhzui zel nana hman a ni ang a, vantlang inkhawmah te pawh chutiang inhrilh nana hun hman zel a ni ang.
He meeting-ah hian Mizoram sorkar department hrang hrang atangin Secretary, Director leh District hrang hrang atangin Deputy Commissioner leh an aiawhte, Project Director (DRDA) leh BDO-te bakah Mizoram a bank awm zawng zawngte atangin member an kal a ni.
