3706/2022-2023

Siaha, the 28th February: Vawiin khan UD&PA Department, Siaha buatsaihin ni thum(3) awh tur DAY-NULM Festival chu DRDO Conference Hall-ah hman a ni. He hunah hian Pi  Lalnunmawii Additional Deputy Commissioner, Siaha chuan khuallian niin  hun a hmanpui.

Khuallian Pi Lalnunmawii chuan thusawina hun hmangin , DAY-NULM hi kum 2013 a din nimahse Mizoramah chuan kum 2015-ah mumal zawka kalpui anih thu a sawi a. DAY-NULM hi Ministry of Housing and Urban Affairs (MoHUA) hnuaia flagship programme pawimawh tak te zing a mi a ni a. Mizoram sawrkar hnuaiah pawh UD&PA Department in he mission hi kalpuiin sawrkar laipui duhdan in MzSULM chu 30th October,2014-ah The Mizoram Societies Registration Act,2005 hnuaiah din fel a ni, a ti a.

He mission hi khawpui a cheng khawsak harsa zawkte tan a duan a ni a, Ministry hrang hrang in mipuite hamthatna nen a ruahmanna a siam te hmang tangkaitute leh hlawhtlinpuitute ni zel turin kalkhawm te a chah hlawm bawk a ni.

Vawiin DAY-NULM festival-ah hian Siaha town chhunga kut themthiam te, thil siam leh ei tur chi hrang hrang siam a eizawngten an thil siam te mipui ten an lei theihna turin dawr (Stall) sawmli (40) lai hawngin an in phochhuak a. Siaha town chhunga mipuite he festival hi chhim ve theuh turin sawm kan ni hlawm a ni.