Vawiin chawhma dar 11:00AM khan  SBI, Lead Bank Office Lunglei te buatsaihin DRDA conference Hall-ah DCC( District Consultative Committee), DLRC(District Level Review Committee) leh DLSC(District Level Security Committee) meeting nei a ni a. Meeting hi  District Bawrhsap leh DCC/DLRC/DLSC chairman ni bawk Pi Harleen Kaur IAS in  kaihruaiin, Potential Linked Credit Plan(NABARD) a tlangzarh nghal bawk.

Vawiin meeting-ah hian Nikum January atanga September,2017 chhunga Bank hrang hrang hmalakna te thlir hovin, an hmachhawp hrang hrang te pawh huang zau taka sawi ho a ni.

 Vawiin DCC meeting-ah hian heng Agenda :

1)Security related issues

 2) Currency management-Remittance Issues

3) Stand-Up India

4) Credit Link under PMAY

5) Women Self Help Group

6)Weaver’s Credit Card, General Credit Card, Swarojgar Credit Card, Kissan Credit Card leh DIR te hi chhawpchhuah a ni.

Vawiin meeting-ah hian RBI aiawha lokal  Pu K.Samuela, Manager RBI,Aizawl chuan Pawisa thir Rs.10 hi a chhuak hlui leh thar pawh Bank tin ten an hnawl thiang lo va, an pawm vek tur a ni, a ti.

Pu Henry L.Hrahsel, Director, SBI-RSETI(Rural  Self Employment Training Institute) in RSETI hna thawh leh hmalak dan report kimchang tak pein, Rural Area a thalai kum 18-45 tana training hrang hrang an buatsaih thin dan leh Training chhunga Hostel, ei leh in  a thlawn veka  Central Sawrkar a MoRD in a ngaihtuah vek thu te a tarlang bawk.

Vawiin meeting-ah hian Bank hrang hrang ten Review period chhunga an CD(Credit-Deposit) Ratio an tarlan chu:

SBI——96.84%

MRB Saiha——264.76%

MRB Vengpui—116.52%

MRB Tuipang—115.84%

MCAB——84.70%

te a ni.National Bench mark hi 60% a ni thu tarlan a ni. Chairman Pi Harleen Kaur chuan Sawrkar laipuiin mirethei leh harsa zawk te tan Loan Scheme hrang hrang a duang thin a, mahse Bank lam hian a pekchhuah kawngah hian in tuanfum thin a, in tan nasat a ngai a ni, a ti.

Vawiin meeting hi Pu  Lalrokunga Chhakchhuak, DDM(NBARD) in lawmthu sawina hun hmangin a ti tawp ta a ni.