3251/2024-2025

Siaha the 28th November 2024: Vawiin chawhma Dar 11 khan DC Mini Conference Hall, Siaha-ah District AIDS Prevention & Control Committee (DAPCC) chu an Chairman leh District Bawrhsap ni bawk Pu VL Hruaizela Khiangte kaihhruaina hnuaiah an thukhawm.

He thutkhawmah hian kum tina hman thin World AIDS day, 2024 hman dan tur an rel a, Kumin December Ni 1 chu Sunday a nih avangin a tuk December Ni 2 (Thawhtanni) a hman ni se tih an rel. Khuallian atan District Bawrhsap leh DAPCC Chairman ni bawk Pu VL Hruaizela Khiangte chu sawm ni se, HIV Act 2017 chungchang zirtirna nei turin Siaha District CJM Pi Lalhriatpuii chu sawm ni se an ti bawk. World AIDS Day pual hian Siaha District-a ruihhlo ngaite enkawlna hmunah thilpek hlanna buatsaih nise tih niin heng atan hian Kalvari Healing Centre leh Agape Home-te thlan an ni. Hemi ni denchhan hian ICTC Counsellor ten home thlan chhuaha thawktute leh a awm zawng zawngte tan awareness campaign an nei nghal dawn bawk.

World AIDS Day chu kum tin December Ni 1 ah Khawvel puma HIV darh zel tur leh he natna vei mekte endawngna leh thinhrikna a bo theih nan leh enkawlna tha an dawn theih nan hman thin a ni a, kumin World AIDS Day thupui chu ‘Take the Rights’ Path tih a ni.