1648/2024-2025

Siaha the 19th August, 2024: Sawrkar laipuia Minister of State for Housing & Urban Affairs Pu Tokhan Sahu lo zin tur chungchangah vawiin khan District Bawrhsap Pu VL Hruaizela Khiangte kaihhruaiin District chhunga department hotute leh NGO aiawhten thutkhawmna an nei.

Union Minister of State for Housing & Urban Affairs Pu Tokhan Sahu hi August ni 28 hian Siaha lo thleng tura beisei a ni a, Minister lo dawn sawn dan tur chungchanga thu pawimawhte relin thutkhawmna hi neih a ni.

Vawiin thutkhawm chuan Mizoram Sawrkar mai bakah District Council hnuaia department tin te chu an hnathawh theuh te, an plan of action te leh an achievement-te felfai taka lo duang lawk theuh turin a hriattir a, Head of office theuh te chuan an hna thawh tlangpui leh hmachhawp an neih te, harsatna an neih te PowerPoint presentation siam a, SDO (S) hnena thehlut theuh tura hriattir an ni.

Ruahmanna ang chuan Union Minister of State Pu Tokhan Sahu chuan August ni 28 hian Siaha a rawn lut anga, hemi ni vek hian District chhunga official-te nen inkawmhona neih nghal tura ruahman a ni. A tuk August ni 29 ah a concerned ministry hnuaia project hrang hrang (SBM/AMRUT/ PMAY-U/Day-NULM) field visit a nei ang a, chawhnu lamah NULM bakah MzSRLM hnuaia SHG te leh Siaha district chhunga tlawmngai pawl hrang hrang kawmna hun a nei bawk dawn a ni.