Vawiin chawhma dar 10:30Am khan DRDA's  District Rural Resource Centre-ah DDCMC/DISHA MEETING neih a ni.

DISHA meeting hi DDCMC Chairman Pu CL Ruala MP(Lok Sabha) leh Co- Chairman Pu Ronald Sapa Tlau, MP(RS) ten an kaihruai.

Pu CL Ruala chuan thu sawiin tun tum DISHA meeting hi a tan chuan a hnuhnung ber tur a ni tawh thu tarlangin, tum tam tak DISHA meeting an lo neih tawhna a DDCMC Committee member ten an tawiawm thatna-ah  lawmthu  sawiin, a awm loh huna DISHA meeting an lo neih leh zelna turah pawh duhsakna a hlan bawk.

Pu Ronald Sapa pawhin thu sawiin, Pu CL Ruala chu mi tawnhriat ngah tak a ni a. A hnen atangin thil tam tak a zir thu leh Dehli tlanga an chhuk thlak tira nasa taka lo buaipuitu a ni a, DISHA meeting a tel tawh lo tur chu a ngai dawn hle a ni,, a ti.

Co-Chairman Pu Ronald Sapa chuan DDCMC a member Officer te chu Siaha district pawnlam mi deuh vek in ni a, Siaha-a in awm hi hremna a inngai a, tuktin transfer order inngah chuan nangma nih in intihreawm mai mai dawn. Siaha District a ka awm chhung hian mipui te tan enge ka tih ve theih ang, mipui leh mi harsa zawkte tan engtin nge malsawmna ka ni ve theih ang, tina rilru nena taima tak leh rinawm taka in thawh phawt chuan a hlim berah in tang ang a.

Siaha district a in awm tawh loh hnuah pawh mipui ten in hnathawh that avanga in hming an la lamin,  an la sawi ri reng dawn a ni. Tunah  NGO leh mipui te fak hlawh khawpa officer taima leh hnathawk tha in awm tih kan hria a, kan chhuang che u in kan lawm  tak zet a ni, a ti

Vawiin meeting-ah hian 2018 July meeting te review in, CSS khawih Dept ten an hmalakna leh hmachhawp te, an hlawhtlinna leh harsatna tawh te meeting-ah hian report an pe a ni.

 Vawiin DISHA meetinga report langsar zualte chu:

 1)  DRDA chuan Siaha  Dist-ah hian Job Card holder mi 14947 an awm mek a, 2018-2019 chhung hian ni 78 inhlawhna siam tawh a ni. IWMP hnuaiah Fund cheng nuai Rs.275.802 dawn a ni a, Cheng nuai Rs.244.222 hman tawh a ni. IWMP hnuaiah hian Physical Achievement ( in unit) 1953.78 neih a ni, tih an report.

 2)BDO Tipa RD Block hnuaiah PMAY(G) hnuaiah chenna in 117 sak zawh tawh a ni a. BADP(2017-2018) Fund atangin hna chi hrang hrang 20 thawh a ni a, 12 zawh tawh niin; 8 la kalpui mek a ni.

3)BDO Siaha RD Block hnuaiah PMAY(G) hnuaiah chenna in 86 sak zawh tawh a ni a, MzSRLM hnuaiah Self Help group 56 an awm mek.

4)Medical dept report-ah chuan Siaha district Birth rate--23,Maternal Mortality Rate---0, Infant Mortality rate---22, July 2018-January,2019 chhungin nau piang(Live birth) 740 awmin, nausen thi 17 an awm thung. Malaria natna avanga thihna thleng a awm lo. HIV mi 370 test-ah 23 positive an ni a, Naupai nu 346 thisen test-ah positive 3 hmuhchhuah a ni.

An harsatna tarlan te chu: Sub-Centre 7 ah hmeichhe health worker an awm lo. Morque Van siamthat theih tawh lo, Ambulance hman tlak lo tep tawh, Chhuarlung PHC ah staff nurse 1 chauh awm ti te leh RSK fund a hunah dawng thin lo ti te  a ni.

5) PHED chuan insanitary toilet 382 chu Sanitary toilet ah an siam vek. Base line survey 2012 laia huam telh loh Individual House Hold Latrine 527 sa zo. School 13 leh Anganwadi 5 ah ekin siam sak.SLWM hna 50 thawh mek chu March, 2019 ral hmaa zawh tum a ni.Information Education Communication(IEC) chak taka thingtlang khawtina kalpui tawh a ni, tih an report.

6)Social Welfare Dept chuan report pein, old age pension mi 1019 hnenah Rs.250 thlatin in an pe mek. Kum 80 chunglam mi 231 hnenah Thlatin Rs.550/- in an pe mek a. Hmeithai 166 hnenah Rs.350/- thla tin in an oe bawk. Rualban lo mi 45 hnenah thla tin Rs.350/- in tanpuina an pe bawk.

7) P& E Dept chuan report pein, Deen Upadhyaya Gram Joyti Jojana(DDUGJY) hnuaia IMVA,33/11KV Sub-Station Phura khua a siam mek tih loh-ah chuan hna zawng zawng thawh zawh vek tawh a ni.SAUBHAGYA hnuaia BPL chhungkua te hnena connection pek tur pawh pek zawh vek tawh a ni a, hna dang pawh March,2019 ral hmaa zawh hman beisei a ni.

8) PWD chuan PMGSY hnuaia Admin Fund chu an dawn that tawh thu tarlangin,  Chairman leh co-chairman hnenah lawmthu an sawi bawk.Chaktakin contarctor te hnathawh an vil reng a, Contractor hna thawk tha lo 2 pawh an terminate tawh thu an tarlang bawk. PMGSY hnuaiah chuan contractor Account-ah sum a luh thin avangin, hna thawk tha lo midang hnathawk tha han chhunzawm sak pawh a harsat thu an tarlang bawk.

9) DPC SSA chuan an harsatna report pein;  Midday meal chhumna  an Kitchen Shed te kum tam tak kal tawha sak te an nih avangin an tlabal deuh vek tawh a, hmantlak a awm hlawm tawh lo. MDM Fund leh Grant hrang hrang te  an dawn tlai thin avangin harsatna an tawk nasa. Central lama report pekna ber internet signal chhe lutuk avangin harsatna an tawk. Khaikhy leh Supha khuaa nuapang tem zirna in an nei lo, a ni a ti.