Vawiin chawhma dar 11:00Am khan Siaha District DDMA te chuan Bawrhsap Pu Bhupesh Chaudhary, IAS office chamber-ah an thu khawm a.

DDMA chairman Pu Bhupesh Chaudhary in meeting hi a kaihruai a. Furpui kan hmachhawn mekin harsatna  hrang hrang a lo thlen theih laka kan district inpuahchah dan te thlir ho va,  hmalak ngaihna lai te huangzau taka sawi ho a ni.

Vawiin meetingah hian Mawhro leh chheihlu khaw inkar kawng min chhiat vek te, Tisopi lui lian avanga khaw li: Riasika, Amotlâh, Thiahra leh Tisopi khua te tlawhpawh thei lova awm mek te leh leimin, chenna In chhia,kawng chhia  leh chhiatna dang dang thleng DDMA a report  lut te thlir hova, hmalak dan tur sawiho  nghal a ni.

 DC office-a DM&R cell a staff te chuan hmun hrang hranga leimin report te a hmunah kal chilhin Silpaulin an sem nghal zel a.

June thla atang khan Silpaulin 300 chuang semchhuah tawh a ni.