1317/2023-2024

Dated Siaha 31st July 2023 : Vawiin khan kum 2023 MLA inthlanpui lo awm tur puala inbuatsaihna pakhat ' Identification and Assessment of Vulnerable areas/Polling station' chungchangah DC Mini Conference Room-ah thutkhawm neih a ni a. Thutkhawm hi Pu Lalhmunsanga Hnamte, District Election Officer chuan a kaihruai a ni.

Pu Lalhmunsanga Hnamte chuan MLA inthlanpui lo awm tur chu hlawhtling taka neih a nih theih nan theihtawp chhuah a tul tih sawiin mawhphurhna nei zawng zawngte an mawhphurhna ngai pawimawh turin a chah a. Mipui ten zalen leh ralmuang taka vote an thlak theih nan ruahmanna tha neih a ngai a ti. A bik takin Sector Magistrate-te chu Election Commission of India kutke pawimawh tak an nihna hrereng turin a ngen bawk.

Vawiin thutkhawm ah hian Election Commission of India in 'Vulnerble areas/Polling station' -a puan ngai a tih leh Vulnerable areas/Polling station-a puan dan tur inkaihruaina dan a siam hrang hrangte zirchian leh sawiho a ni a. Pu Lalhmunsanga Hnamte chuan Sector Magistrate-te chu Siaha District chhunga Vulnerable areas/ Polling station-a puan tul leh puan ngaite chu a hma lama lo zawngchhuak turin a chah a. Election Commission of India in a phut ang ngeiin Sector Magistrate leh Sector Police Officer- te chu Vulnerable area/Polling Station-te chu vote thlak hma leh vote thlak ni a tlawh turin District Election Officer chuan a chah nghal bawk.

Thutkhawm ah hian Sector Magistrate-te chu 'Pink booth' leh 'Model Polling booth' atan a thlan tur te pawh lo zawngchhuak tura tih nghal an ni.

Vawiin thutkhawm ah hian Election Officer, Project Director, Addl.SP, DIPRO leh Sector Magistrate te an tel a ni.