521/2022-2023
Siaha; the 18th May,2022: Vawiin chawhma dar 11:00Am khan DC Conference Room-ah district Bawrhsap Pu Lalsangliana kaihruaina hnuaiah District Level Development Committee on Backward Community of Mara Community (Tipa RD Block) member ten meeting an nei.

Vawiin meeting-ah hian District Level Development Committee on Backward Community of Mara Community (Tipa RD Block),Siaha district in North Eastern Council, Ministry of DoNER,GoI hnen atanga Tipa RD block tihhmasawn nan sum a dil atanga Rs.4,91,68,987.53/- Administrative Approval a lo pek tawh hman dan tur chipchiar taka sawiho a ni.

He fund hmang hian AH&Vety Dept, Agriculture dept leh Health dept hnuaiah hmasawnna rahbi hrang hrang tuk tum a ni a, chumi atana thil pawimawh leh tihtur pawimawh te huangzau tak leh chipchiar taka sawiho a, thlirho a ni a.Concern line department theuh te chu beneficiaries selection leh project kalpui tanna tura tihtur pawimawh hrang hrang te chu May thla chhunga ti zo vek turin meeting chuan a rel a. June thla 1st Week a meeting neih leh turah an hmalakna theuh pharh theih turin meeting chuan Concern Head of Office theuh te chu a hriattir bawk a ni.

Vawiin meeting kaihruaitu Siaha DC Pu Lalsangliana chuan, Mizoram district dangin an dawn ve lo, Tipa RD block tih hmasawnna tur NEC atanga kan dawng hi kan vannei hle a ni.He vanneina kan dawnna kawnga mi tangkai tak NEC a awm mek Mara officer chhuanawm tak Pu L.Beimopha,IRS chungah pawh kan lawm hle a ni, a ti.

Pu Lalsangliana chuan District Level Development Committee member kalkhawm te chu he project hmanga Tipa RD block chhunga chhungkaw thahnem tak chawikang tur leh leirem rah tir tum turin a chah hlawm a.Sawrkar hna hi chhungkaw chawm nana hlawh hmuhna chauh a ni lo,ram leh mipui rawngbawlna a ni zawk.Chuvangin concern head of office tin ten he project hnuaia in dept. chanpual theuh va Tipa RD block leh a mipui te tan hmasawnna rahbi tuk theuh turin ka beisei che u a, chutianga tihtur chuan meeting hmingin ka ngen bawk a che u, a ti.