47/2025-2026

Siaha the 4th April 2025: Ni 2 chhung awh tur District Horticulture Office, Siaha buatsaih District Level Flower Exhibition cum Fair hawnna inkhawm chu vawiin chawhma dar 11 khan Agriculture Office Complex, Siaha-ah neih a ni a, District Bawrhsap Pu VL Hruaizela Khiangte chuan Khuallian niin exhibition hawnna a nei nghal a ni.

Flower Exhibition cum Fair hawnnaah Khuallian Pu VL Hruaizela Khiangte chuan thusawiin pangpar lama tuimite tan pangpar mawi tak tak phochhuahna hun remchang buatsaih a ni chu lawmawm a ti hle a, a buatsaihtu Horticulture Department leh programme tihlawhtlingtu Florist kalkhawm zawng zawngte lawmthu a hrilh a ni. Pangpar-te chuan nun an tihlim a, a khawitu mai bakah mipui tan hlimna thlentu an ni tiin par hun nei an nih avangin uluk taka enkawl an ngai a ti a, vawiin programme chuan florist-te bakah mipui thinlungah chona thar pe se, hmun dang leh ramdanga thawn chhuah tlaka buaipui turin a fuih a, taima takin tih tak takna nen malsawm tlaka tan la thar  turin a fuih a ni.

Pi F Lalrinpuii, DHO kaihhruai, Flower Exhibition cum Fair 2025 hawnnaah hian Pu K Pakhai, Sr H/D chuan hunserh a hmang a, Pu R Lalrinawma, DAO leh chief judge chuan endiknaa criteria a an hman te report pein Pu Jonathan Lalrinngheta, ADHO chuan lawmthu sawmna neiin hun tihtawp a ni.

District Level Flower Exhibition cum Fair 2025 hi vawiin leh naktuk (4th-5th April 2025) chhunga hman tur a ni a, pangparte chu lei theiha phochhuah niin chung pangpar phochhuah zinga a tha ber leh a mawi ber thlan a ni a, Queen of the show dawngtu Pi F Biakthangpuii chuan lawmman pawisa fai a dawng bawk a ni.