Nimin chawhnu dar 1:00Am khan  DC’s Conference Room-ah  District Level Standing Committee member te chuan ni 1/1/2018  qualifying date a hmangin Rationalization of Polling Station chungchangah meeting vawi-I na an nei.

He DLSC meeting hi Pi Harleen Kaur IAS,  District Election Officer leh Bawrhsap ni bawk  kaihruaina hnuaia nei  a ni.

He meeting-ah hian Siaha District chhunga  Polling Station tin te chu Physical verification AERO ten an neih vek tawh thu report a ni a.

Meeting-ah khunkhan taka sawiho a ni hnuah 39-Saiha(ST)AC hnuaia Polling station 4 heng:

39/6-Meisatla

39/9-College Vaih

39/15-New Colony-I

39/20-New Siaha West-I 

te chu voters tam lutuk(Upper limit khum) dawn avangin  polling Station 2 a then tha meeting chuan a ti a.

40-Palak(ST)AC hnuaia 40/24-Zawngling -II polling station atanga 40/25- Lotai polling station siamchhuah pawh meeting chuan tha a ti bawk.

Heng bakah hian Saiha leh Palak Constituency hnuaia polling station pakhat ve ve:

39/21-New Siaha West-II

40/24-Zawngling-II te chu  mipui tan vote thlak remchan zawkna turin polling station awmna thlak hret  tha an ti bawk.

Vawiin DLSC thurel te hi Election Commission of India hnena thlena lo bawhzui turin Pi Harleen Kaur, District Election Officer chu DLSC chuan a ruat bawk. 

Election Commission of India in DLSC rawtna hi a lo pawm a ni chuan tuna Siaha district a polling station 74 awm mek hi 79 ah a pung chho dawn a ni.