1296/2022-2023

Siaha; the 20th July,2022: Vawiin chawhma dar 11:00Am khan Pu Lalsangliana District bawrhsap leh District Level Task Force on Covid-19 Chairman ni bawk kaihruaina hnuaiah DC Conference Room-ah District Level Task Force on Covid-19,Siaha District ten meeting an nei.

Vawiin meetingah hian Mizorama Covid-19 hrileng a lo hluar chho mek zel  avang leh Siaha district ngeiah pawh hri kai an lo awm tan leh tawh avangin, Siaha district hian engtin nge kan lo inven ang, engtin nge kan lo inpuahchah ang ti te sawi ho a ni.

Vawiin meeting chuan Siaha district Mipui ten Covid Appropriate Behaviour (CAB) tha taka  kan zawm  theih nan  Offices, Schools, Kohhran, NGOs, VCs leh Driver & Lirthei neitu Association etc.. puipa te hnenah an member te theuh hnenah Covid-19 laka an him theih nan CAB zawm theuh tura hriattirna thu chhuah turin District Level Task Force hmingin ngenna  siam turin  a rel.

DMS Dr.C.Lalrosanga chuan  meeting-ah report pein, tunah hian Covid-19 vaccination chak taka kalpui mek zel a ni a.Vaccination a vawi -3 na tur(Booster dose) la duh tan pawhin midang 1st & 2nd Dose la tur te rualin a lak thei thu leh vaccine lakna tur hi Siaha khawpuiah hmun 6 ruahman a ni thu a tarlang. Tun July thla chhunga pekna hmun leh pek ni tur te chu:-

1) N.Siaha Clinic--19&26(Tuesday)

2) New Colony SC--20&27(Wednesday)

3) Old Siaha SC---22&29(Friday)

4) College Vaih SC---21&28(Thursday)

5) Siahatlah SC--22&28(Friday)

6) Meisatla SC---21&28(Thursday)

Attachment

  • Loading attachment...