No.5136/2020-2021 

Siaha; September ni 16: Vawiin chawhnu dar 12:30pm khan district bawrhsap Pu Kesavan R, IAS office chamber-ah  District Water and Sanitation Mission (DWSM) member ten meeting an nei. Meeting hi Pu Kesavan R,IAS chairman DWSM in  a kaihruai a ni.

Vawiin meeting-ah hian Jal Jeevan Mission hnuaia kum 2019-2020  chhunga hmalakna thlir ho a ni a, 2020-2021 atana District Action Plan(DAP) pawh approved nghal a ni.

Jal Jeevan Mission hi Jal Shakti Abhiyan chhunzawmna mission niin; he JJM hnuaiah hian Kum 2024 ral hmain Siaha district chhunga chhungkaw tin bakah,Anganwadi,Sub-Centre,PHC, School,VC Court House leh Community Hall-ah te tui connection Functional Household Tap Connection (FHTC) pek vek tum a ni.

kum 2019-2020 chhungkhan  JJM hnuaiah  khaw 13-ah  Rs.4,06,89,400/- sengin FHTC 1909 pek a ni a, kum 2020-2021 chhung hian khaw 7-ah Rs.4,24,38,000/- sengin FHTC 1157 pek leh tum a ni. JJM hi kum 2011 census tlawhchhana siam  a ni avangin household  tuam kim lo te a la awm a, hei hi a kum 2023-2024  chhunga tuam kim  vek tum  a ni bawk. NH-54 ngheng khua te rawh kawngpui laihzau  mek a nih avang leh an in leh lo inbengbel that ngai te an tam avangin a phase hnuhnung lamah an awm rih dawn a ni.