Vawiin chawhma dar 11:00Am khan MYA Multipurpose Hall,New Siaha-ah Krishi Vigyan Kendra(KVK),Siaha district buatsaihin JAL SHAKTI ABHIYAN MELA-2019 hman a ni. Dr.K.Beichhua,Hon'ble Minister of State I/c AH&Very,E&ND,Social Welfare etc. chuan he JAL MELA -2019 hi khuallian niin a hmanpui a. Pu Bhupesh Chaudhary IAS, Bawrhsap leh Siaha District JAL co-ordination committee  Chairman ni bawk chu khualzahawm a ni thung.
 
Vawiin JSA MELA-2109 programme hi Dr.H.Vanlalhmuliana,Senior Scientist &Head KVK,Siaha District in a kaihruaia, Power point presentation hmangin Pi.C.Rachael Scientist (Plant protection) leh Pi.J.Vanlalhluzuali,Scientist (Agril.Extension) KVK, Siaha te chuan tui remchem dan leh tuihna humhalh dan te, lonei mi ten daihzai zawk leh renchem zawka tui an hman dan tur te mipui kalkhawm te hnenah zirtirna an pe.

Khuallian Dr.K.Beichhua chuan vawiin JAL MELA-2109 -ah hian thu sawiin; India ram pumpuia tui harsa zual District an thlanchhuaha 256 zinga kan tel hi a lawmawm viau rualin, inenfiah nan hmang ang u.Mizoram district zinga tui harsatna ber kan nih hi kan ramngaw kan ti chereu lutuk vang a ni theih a ngem?, Kan lui,tuikhur leh kan tuihna te dim baksak lova kan suasam lutuk avang a ni thei a ngem? tih hi inzawt nawn i la, inenfiah ang u.  Politics ngaihven ber district ni si in a, district hnufual ber kan ni chuan Kan inenfiah a ng a ni.  kan district tui harsatna sutkianna tur project Jal Shakti Abhiyan pawh hi a hlawhtlin leh tlin lo hi Siaha district mipui te kova innghat a ni a.  Mitin leh chhungtin atanga tui renchem,ruahtui khawl leh tuihna humhalh hna hi kan thawh tan a ngai tawh a ni, a ti.

Vawiin MELA-ah hian Water Conservation &Afforestation lam inzirtirna film te thlirho a ni bakah,khuallian leh khualzahawm te hian  Crop & Flower show, painting competition etc .a lawmman dawng te hnenah Certificate leh incentives cash award an semna hun an hmang bawk  a ni.