Vawiin chawhma dar 11 : 00 khan D.C’s Conference Hall, Siaha-ah ”Swachh Bharat Mission Faina Hapta-2015” kharna inkhawm neih a ni. He Faina Hapta kharna inkhawm hi Pu Zarzosanga, Deputy Commissioner, in a kaihruaia, Pu RT Zachono, C.E.M., MADC Siaha chu Khuallian a ni.

Thu sawiin Khuallian chuan Faina hi hriselna chauh ni lovin nun tihlimtu leh ti hahdamtu a ni a, khawvel thil mawi tak tak te hi faina avanga lang mawi ve mai te an ni tiin; damrei tur chuan hrisel a ngaia, hrisel tur chuan fai phawt a ngai a ni; a ti bawk. Faina hi changkanna tehfung pawimawh ber a ni a, faina tel lo chuan changkanna tluantling hi neih theih a ni lo; a ti bawk. Kan District chhung pawh changkanna kawng zawh tur chuankanfai phawt a ngai a ni; a ti. Khuallian bakah Dr H.T. Phosa, C.M.O. leh Pu T.Chatlua, Swachh Bharat Brand Ambassador te pawh in thu sawina hun an hmang bawk.

He Faina Hapta kharna inkhawm-ah hian Saiha khawpui chhunga Veng, School leh Office faiber 3 theuh thlanchhuah  an ni a. Lawmman atan Citation leh Pawisa fai pek theuh an ni. Chungte chu:-

Veng Fai berte:

1st-Meisavaih ‘E’ - Rs 3000/- + Certificate

2nd-College Vaih-I -Rs 2000/-+ Certificate

3rd-Council Vaih - Rs 1000/ +Certificate hlan an ni.

Office Fai berte:

1st- District Jail Office- Rs 3000/- + Certificate

2nd- PWD Office- Rs 2000/- + Certificate

3rd- P.H.E. Office- Rs 1000/- + Certificate

School fai thlanchhuah pathum te chu:-

1st-GovernmentPrimary School-I,Meisavaih ‘E’ -Rs.3000+ Citation

2nd- N.Colony High Shool, College Vaih - Rs 2000/- + Certificate

3rd-GovernmentComprehensiveElementary School, New Colony-Rs 1000/-+ Certificate

Faina Hapta chhunga Chanchinbu a Faina lam a thuziak tha pathum te:

1st- Chhim Aw - Rs 3000/- + Certificate

2nd- Siaha Post-Rs 2000/- + Certificate

3rd- Maraland - Rs 1000/- + Certificate

He Faina Hapta kharna inkhawm ah hian Saiha khawpui chhunga Department hrang hrang hotute, Tlawmngaipawl hrang hrang hruaitu te Vengtin V.C. Member te leh thuthar thehdarhtute an tel kim hle a, Pi Marilyn Rualzakhumthangi, SDO (S) Siaha District, Siaha chuan lawmthu sawina in he programme hi a titawp a ni.