5th November, 2016 khan Hon’ble Mr. Justice Michael Zothankhuma. Judge, Gauhati High Court & Portfolio Judge, Mizoram chuan Fast Track Court a hawng.

He Fast Track Court hi Dr.HTC Lalrinchhana, Addl. District & Session Judge, Siaha Judicial District in a vil dawn a ni. He Fast Track Court hawnna inkhawm hi Chief Judicial Magistrate, Siaha District Court Room-a neih niin, Hon’ble Mr. Justice Michael Zothankhuma chu khuallian a ni a, Pu R,T.Zachono, CEM, MA DC chu khualzahawm a ni bawk, He Inaugural Function hi Pu R..Thanga, MJS, District & Sessions Judge, Lunglei Judicial District in a kaihruai a ni.

Fast Track Court hawnna inkhawm-ah khuallian Pu Michael-a chuan thu sawiin, Siaha District tan chuan vawiin hi ni chhinchhiah tlak tak a ni a. Lunglei kal a ngai tawh lo va, mahni kawtkaiah ngei eng anga Civil leh Criminal Case iian pawn khawih theih Court in nei tawh dawn a ni, a ti a. He Fast Track Court chhawr tangkai tur erawh chuan Siaha District mipui ten Court-a Witness dinhmun pawimawh zia kan hriat chian a, Witness a tan te hi hrehloh tur a ni, a ti bawk.

Khualzahawm Pu RT Zachono pawhin thu sawiin, Mizorama Judicial District pali zinga Siaha District a tel ve hlauh mai hi, Mr. Justice Michael Zothankhuma, Judge Gauhati High Court & Portfolio Judge, Mizoram thawhrim rah niin kan hria a, a chungah kan lawm tak zet a ni, a ti a, kei ni MADC pawh in Judicial Quarter sakna tur ram te pawh phal takin kan lo pe ve a ni, a ti bawk.

Fast Track Court hawnna-ah hian Pu Michael-a leh Pu RT Zachono ten thu an sawi bakah Pu N.Chakhai, Addl.DC in Welcome Speech sawina hun a hmang a, Pu T,L Guite, MJS, Registrar, Gauhati High Court, Aizawl Branch in Opening Address a nei a, Pu Laldinpuia Tlau MJS, CJM cum Sr.Civil Judge Lawngtlai District in lawmthu sawina hun a hmang bawk.

Vawiin Programme-ah hian Siaha Bialtu MLA Dr.K.Beichhua bakah Head of Office thahnem tak, tlawmngai pawl aiawh te leh chanchinbu mi te an tel a ni.