Vawiin chawhnu dar 1:00Pm khan DC conference Hall-ah Pu Bhupesh Chaudhary IAS, DEO leh DC ni bawk chuan Final E/Roll a tlangzarh. 1st January,2020 hi qualifying date-a hmanga Special Summary Revision hi neih a ni.

Final E/Roll tlangzarhna-ah thu sawiin, Pu Bhupesh chuan inthlanna felfai leh langtlang hi Democracy innghahna a ni a. Inthlanna felfai hi E/Roll felfai leh thianghlimah a innghat ve leh chhawng a ni. Chuvangin E/Roll tha tak leh felfai tak tlangzarh a nih theih nana tha leh zung sengtute zawng zawng hnenah Indian Democracy chhawmnung zelna kawngah inthawh hlawk hle a, lawmthu ka hrilh tak meuh meuh che u a ni, a ti.

Vawiin Final E/Roll tlangzarh takah hian Siaha district pumpuiah mipa voter 19,817 , hmeichhe voter 20,841 leh service voters 148 awmin, a vaiin voter 40,806 an awm.

39-Saiha AC hnuaiah 22017 voter awmin 40-Palak AC hnuaiah 18,789 voter an awm thung.

E/Roll hlui atanga a punna hi voter 997 niin, 2.51% a ni.

Siaha District-ah Polling Stations 81 awmin, 39-Saiha AC hnuaiah 37 leh 40-Palak AC hnuaiah 44. Area wise chuan Urban Area hnuaiah 25 leh Rural Area hnuaiah 56 an awm thung.Gender Ratio leh Electoral Population Ratio of Siaha District hi 1953 leh 594 a ni.

Final E/Roll tlangzarh tak te hi a Hard leh Soft copy 1 theuh political party hrang hrang aiawh te hnenah sem a ni.