No.5886/2020-2021

Siaha, October ni 8 : Vawiinah Mizoram State Rural Livelihood Mission (MzSRLM) buatsaihin Siaha RD Block hnuaia Village Organization sawmhnih paruk (V.O. 26) te chuan Financial Literacy Campaign Cum Awareness and Enrollment on Bank and Health Insurance Programme an hmang.

He hunah hian khaw hrang hrangah Mizoram Rural Bank, Siaha branch; Vaihpi branch; State Bank of India, Siaha branch leh Mizoram Cooperative Apex Bank, Siaha branch te chuan Self Help Group (SHG) member te hnenah Financial Literacy Campaign an hmanpui hlawm a. Bank official te tel ve theih lohna thingtlang khuaah erawh MzSRLM Financial Inclusion Cadre ten Financial Literacy Campaign hi an hmanpui ve thung a ni. Health Department lam atang pawhin Health Worker leh ASHA ten SHG member kalkhawmte hnenah Health Insurance chi hrang hrang zirtirna an pe ve bawk.

Financial Inclusion Week, 2020 hman chhung hian SHG member te hnenah Bank Account hawn, Bank Loan dil, insurance a in ziahluh runpui leh SHG CIF Loan lak danah te zirtirna pek an ni a. Bank Loan hmang tha SHG member te chawimawina hun pawh hman nghal a ni.Self Help Group member ten an chhawr tangkaiin, an hlawkpui hle a ni.