Vawiin chawhma dar 11:30Am khan  I&PR Conference Hall-ah Siaha District Sports Committee (SDSC) chuan an hnuaia  affiliated Sports discipline hrang hrang atang nikum April atang kumin March(1/4/2017---31/3/2018) chhunga  State / National level inelna  a medal la pha chin  leh  National/International level inelna a  Mizoram State emaw India ram emaw   aiawh pha chin infiammi 23 hnenah Chawimawina Thuziak leh tangkafai Rs.500/- theuh an hlan.

Siaha District Soorts Committee hnuaiah hian Sports Discipline hrang hrang awm mekin, vawiin Infiam mite chawimawina programme -ah Sports Discipline hrang hrang 6 atang  atangin hetiang hian  infiam mite chawimawi an ni.

Football---8

Hockey -----2

Chess--------1

Shooting---- 1

Athletic--------3

Boxing---------8

Vawiin a infiam mi chawimawi te zingah hian Gold Medalist 9, Silver Medalist 3, Bronze medalist 3 leh  Mizoram State leh India ram aiawh mi 8 an awm.

Vawiin Sports Persons Felicitation programme hi Siaha District Sports Committee Secretary Pu N.Vabeiratlua in a kaihruai a. Pu CZ Hluna, President SDVA leh MJA Siaha District Treasurer ni bawk chuan devotion  a hmang.

Pu H.Vabeitha, Chairman SDSC chuan District Sports Committee kalphung leh  hmalak tawhna te leh  a hmachhawp te sawiin,  infiam mite a huhova chawimawina programme hi kan vawikhat hmanna a ni a. Kum tin Chhunzawm zel kan tum a ni, a ti.

Vawiin programme-ah hian Sports Discipline hrang hrang hruaitute,  MJA Siaha District te leh infiam mi lo tawiawmtu an chhung te nen hun hman ho a ni a. Infiam mi chawimawi te hnen atangin thusawi tawi ngaithlak theuh a ni bawk.

Pu TT.Khulua, Asst.Secretary SDSC in lawmthu sawiina hun hmangin vawiin programme hi a khar ta a ni.