705/2023-2024

Siaha the 7th June, 2023: Vawiin chhun dar 12:00Noon khan DC Conference Hall-ah Integrated STI,HIV,TB&HEPATITIS(ISHTH) CAMPAIGN in Prisons &other closed settings(OCS),2023 hawnna programme hman a ni a.Programne hi Dr.Lalnunziri CMO in a kaihruaia a, Pu Lalhmunsanga Hnamte District bawrhsap leh Pu Pakhaw Chozah, President MTP(H) ten khuallian leh khualzahawm niin hun an hmanpui.

Vawiina Campaign hawn takin a tum ber chu District Jail leh inkhunghranna Home hrang hranga awmte'n a chunga tarlan heng natna inkaichhawn thei:STI,HIV,TB &HEPATITIS laka an fihlim thei nana lo inven dan tur te, tihtur leh tih lohtur chungchangah te Awareness pek that a, kai mek te erawh theitawp chhuaha enkawl dam vat a, midang an kaichhawn loh nan a hmalak te a ni.

Khuallian Pu Lalhmunsanga chuan campaign hawnna thu sawiin, Jail leh Home hrang hrangahte hian natna inkaichhawn a awlsam bik em em a, Mizoram phei chu India rama Jail tang natna inkaichhawn thei vei tamna ber state kan ni mek a ni, a ti a. Chuvangin he Campaign hi hlawhtling taka kan kalpui theih nan kan zavaia kan thawhho a tul tak zet a ni, a ti bawk.

Khuallian Pu Pakhaw Chozah chuan thu sawiin MTP(H) chuan tlawmngai pawl anih angin, sawrkar hmalakna hrang hrangah theitawp chhuahin sawrkar a thawhpui thin a.He campaign-ah pawh hian atul dan ang zelin sawrkar tha tichak turin ke a pen leh dawn a ni, a ti.
He ISHTH campaign hi June thla chhung a awh ang.

Dr.Vabeilysa,DACO,Siaha chuan vote of thanks sawiin  vawiin ISHTH campaign hawnna inkhawm hi a khar ta a ni.