2057/2024-2025

Siaha the 13th September 2024: Mizoram State AIDS Control Society (MSACS) leh District AIDS Prevention & Control Committee (DAPCC) te buatsaih, Intensified IEC Campaign ‘India Fight Against HIV/AIDS & STI’ Observance & Prize Distribution Programme chu vawiin khan Govt Saiha College, Siaha, Seminar Hall-ah hman a ni a, District Bawrhsap Pu VL Hruaizela Khiangte chu Khuallian a ni.

Bawrhsap Pu VL Hruaizela Khiangte chuan kalkhawmte chu chibai a buk a, HIV/AIDS chungchang inhrilhhriatna leh chumi denchhana intihsiakna hrang hrang lawmman semna hun tha tak buatsaih a ni chu lawmawm a tih thu a sawi.

Intensified IEC Campaign, ‘India Fight Against HIV/AIDS & STI’ denchhana event hrang hrang buatsaih a ni chu a hluin a pawimawh hle a ti a, kar hmasa lama kawngzawh hlawhtling tak neih tak te tarlangin thawktute an fakawm takzet, a ti. Siaha District-ah HIV/ AIDS vei an tam hle thu te, nau piang 1000 zela nausen thi zat  (Infant Mortality Rate)ah Siaha a sang fal hle te chu pawi a tih thu sawiin hetiang lama inhrilhhriatna hun buatsaih chu a tul takzet a, Naupang leh thalai-te hriata sawi tam a pawimawh a ti bawk. Vawiina mawi taka phochhuah tak thuziak leh thuchahte chu hre reng tura chahin mitin fimkhur phah nan hmang se a ti a, tihdam aiin inven a tha zawk a, natna hrik hlauhawm tak HIV/AIDS kai lo turin mitin fimkhur theuh se, rilru thar pu theuh turin leh ngaihtuahna put hmang (mentality) chawikan tum theuh turin a sawm a. Kalkhawmte chu an hna thawh in ang lo mahse, an tum erawh mahni mihring pui te damna thlen ni vek se a duh thu leh Siaha khawpui a lo thianghlim zual zel nan mitin kan mawhphurhna hre thar leh turin a sawm bawk a ni.

Sr EO (Middle School) MADC Pu Beichhiachhie pawhin thu sawiin vawiin programme chu a hlu hle a ti a, a taka ti hlawhtlingtu ni theuh turin leh nitin nun dan kawngah mi dang tan malsawmna ni zel turin kalkhawmte a chah bawk.

Pi Zingia Hlychho, ICTC Counsellor chuan IEC Campaign na hun a hmang bawk a, Mipat Hmeichhiatna atanga inkaichhawn theih Sexually Transmitted Infections (STI) chungchangte sawiin invenna hmang uar turin a chah bawk.

Vawiin programme-ah hian Govt. Saiha College Principal leh District Edication Officer Siaha hnen atang pawhin thusawi tawi ngaihthlak a ni a, Dr C Lalrosanga DMS, District Hospital Siaha chuan lawmthu sawiin hun tawp a khar a ni.

Intensified IEC Campaign ‘India Fight Against HIV/AIDS & STI’ pual hian September ni 10 atang khan category hrang hrang hmangin college leh school zirlaite zingah inelna buatsaih a ni a, vawiinah lawmman semna hun buatsaih a ni bawk. Lawmman dawngtute chu:

Debate (College & Technical Institution)

1) Govt Saiha College, Siaha (3rd Sem, Team -1)
2) Govt Saiha College, Siaha (5th Sem, Team-2)
3) DIET, Siaha

Debate ( Higher Secondary School Level)
1) ECM Higher Secondary School
2) Govt Higher Secondary School
3) Kolodyne Higher Secondary School

Consolation prize- Southern English Comprehensive Academy

Debate (High School Level)
1) Grace Academy
2) Auxillium English School
3) Blue Bell School

Flash mob dance
1) Govt Saiha College
2) DIET, Siaha

Placard (Middle Section)
1) N Beinongia (Lorrain English School)
2) Sarah Nohlao Nohro ( Joel Public School)
3) C Nochhingia (Lorrain English School)

Placard (High School)
1) V Buirangsang (Maraland Academy)
2) S John Philip (Auxillium English School)
3) Alan (Lorrain English School)

Placard  (Higher Secondary School)
1)Helena C Beipharili ( Kolodyne Higher Secondary School)
2) Elisia ( ECM Higher Secondary School)
3) K Thatipharona & Sabina (Kolodyne Higher Secondary School) te an ni.