Vawiin chawhma dar 10:30Am khan D.C’s Conference Hall-ah Pradhanmantri Shram Yogi Maandhan Yojna (PM-SYM) – ‘A Pension Scheme for Unorganized Workers’ hawnna programme hlawhtling taka hman a ni.

Vawiin PM-SYM launching programme hi Honourable Prime Minister Shri Narendra Modi chuan Ahmedabad (Gujarat) a ropui takin a hawng a, hemi rual hian Siaha-ah pawh hawn ve a ni. He Scheme hi Ministry of Labour & Employment, Government of India hnuaia kalpui niin, he scheme in a tum ber chu mi tupawh kum 18 leh 40 inkarte, thla khata Rs.15,000/- lalut phaloh, sawrkar hnathawk lohte tana Pension Scheme Sawrkar laipui ina a buatsaih a ni a, kum 60 tlin hnua pension hlawh kan lo lak ve theina tura sawrkar laipuiin a khua leh tuite hmakhaw ngaia duan a ni.

Siaha-ah pawh heng EPF/NPS/ESIC a membership pe a nihna neilote tan a inzialuh thei dawn a ni. Registration tih tumte chuan Aadhar Card leh Savings Bank Account (any bank with IFSC number) an nei tur a ni a, hengah te hia inzialuh tur a ni ang. Siaha-a Common Service Centre te – I-Net, New Colony; MS Photo Lab, New Colony; Kathie enterprise, Siaha Bazar; NISI Enterprise, Siaha Vaihpi; LS Computer, New Siaha leh RISE, New Siaha-ah te Registration a tithei dawn a ni. Hrechiang duhte chuan a chunga tarlan Common Service Centre ahte zawhfiah thei a ni ang.

Pu Bhupesh Chaudhary, Deputy Commissioner, Siaha chuan khuallian niin he launching programme hi a hmanpui a, Pu Khamkhanmung Guite, Branch Manager, ESI Corporation, Aizawl leh District Nodal Officer, PMSYM, Siaha District nibawk leh Pu Jona Solai Syuhlo, District Manager, Pu VT. Lawmsanga, District Manager ten an telpui a, Siaha District a Tlawmngai Pawl hrang hrang hruaitute leh veng hrang hrang a Village Council Member te an tel kim hle a ni.