2179/2026-2027

Siaha the 11th September 2026 : Mizoram State Anti-Tobacco Day vawi 13na chu vawiin khan District Tobacco Control Cell bultumin 'Towards Tobacco Free Home' tih thupui hmangin DBS Hall, Siaha-ah Don Bosco School zirlai hova hman a ni a, Additional Superintendent of Police Pu Beimosia Lapi chuan khuallian niin a hman pui.

Addl SP Pu Beimosia Lapi chuan State Anti-Tobacco Day puala zirlaite tana hun hman a ni chu lawmawm a tih thu a sawi a, zirlaite chu an zirlai piah lamah zir belh tur tam tak an neih avangin hmasawn zel turin a chah. Taksa hrisel nei tur chuan zuk leh hmuam laka fihlim a pawimawh a ti a, Mizoram chu India rampum ah cancer vei tamna ber a nih avangin fihlim tlat tura chahin zuk leh hmuam avanga cancer natna um bo turin tanrual a pawimawh hle a ti a, zirlai te chu fel taka invawng theuh turin a chah a ni.

He hunah hian zuk leh hmuam ti lo tur leh a that lohzia midang hnena hrilhhretu ni tura intiamkamna neih nghal a ni.