Mizoram hmundang te rualin Siaha-ah pawh tukin zing dar 7:00Am atang khan naupang kum 5 hnuailam hnena Oral Polio Vaccine (OPV) pek beihpui thlak tan a ni ta.

Siaha district-a Official ten OPV beihpui thlak hi an tuipui zia leh an hlutzia entir nan tukin zingah sawrkar mi pawimawh thahnem tak Siaha Vaihpi Booth-ah fuankhawmin, Pu N.Zakhai CEM,MADC, Pu Bhupesh Chaudhary IAS, Bawrhsap leh Dr.C.Hniecho CMO te bakah official tha hnem takin OPV drops hi naupang ka-ah an thlawr ve a ni.

OPV hi booth 87-ah pek a ni ang. Heng booth hrang hrangah te hian IPPI Supervisor 20 in an vil dawn a. Dr.K.Rakhu DTO leh Pi .Mary Vanlalpeki DPM te chu overall supervisor atan a ruat an ni.